(អង់គ្លេស)៖ យោងតាមគេហទំព័រកីឡា BBC បានចេញផ្សាយឲ្យដឹងថា អ្នកចាត់ការទូទៅក្រុមកាំភ្លើងធំ Arsenal លោក Mikel Arteta បានយល់ព្រមចុះកិច្ចសន្យាកុងត្រាថ្មីរយៈពេល ៣ឆ្នាំជាមួយក្លឹប នោះមានន័យថាមានសុពលភាពដល់ឆ្នាំ ២០២៧ ខណៈដែលកុងត្រាចាស់នឹងត្រូវផុតកំណត់នៅចុងរដូវកាលនេះ។
ក្រោមការដឹកនាំដោយបុរសវ័យ ៤២ឆ្នាំ Arsenal បានបញ្ចប់ក្នុងចំណាត់ថ្នាក់លេខ២ ក្នុងក្របខណ្ឌលីគ Premier League ក្នុងរយៈពេល ២រដូវកាល ជាប់ៗគ្នាកន្លងមកនេះ ក្នុងការព្យាយាមដឹកនាំក្លឹបដោយលោក Arteta ដើម្បីឱ្យក្លឹបឈានទៅរកការឈ្នះជើងឯកលីគកំពូលជាលើកដំបូង ចាប់តាំងពីរដូវកាល២០០៣-០៤ ។
រំលឹកផងដែរថា Arsenal បានសម្រេចតែងតាំងលោក Mikel Arteta ដឹកនាំក្លឹប កាលពីឆ្នាំ២០១៩ បន្ទាប់ពីសម្រេចនូវការចាកចេញរបស់លោក Unai Emery ដែលបុរសសញ្ជាតិអេស្ប៉ាញ នឹងជាអតីតកីឡាករឆ្នើម មានបទពិសោធធ្វើជំនួយការគ្រូបង្វឹកលោក Pep Guardiola នៅក្លឹបមេឃខៀវ Manchester City ដោយនេះជាតួនាទីអ្នកចាត់ការក្រុមដំបូងរបស់លោកផងដែរនោះ៕
ប្រភព៖ BBC
ទីបំផុតក្លឹបបិសាចក្រហម Manchester United បានស្វែងរកកីឡាករដើម្បីជំនួសខ្សែការពារស្លាបរបស់ពួកគេគឺកីឡាករ Luke Shaw រងរបួសឥតឈប់ឈរ តាំងពីរដូវកាលមុនមកម្លេះ។ ក្នុងជ័យជម្នះ ៧-០ របស់ក្លឹប Man United លើក្រុម Barnsley ក្នុងពានរង្វាន់ League One កាលពីថ្ងៃអង្គារលោក Ten Hag បានផ្តល់ឪកាសដល់យុវជនឆ្នើមគឺ Toby Collyer ខណៈខ្សែការពារឆ្នើមររូបនេះហាក់បីទទួលរាប់រងតួនាទីមួយនេះបានយ៉ាងជាមួយនឹងការនាំលេងទៅតំបន់ប្រយុទ្ធ បូកផ្សំ ជាមួយការរក្សាសំណាញ់ទីផងដែរ៕អត្ថបទកំពុងចាប់អារម្មណ៍៖ Rashford ចែករំលែកនូវរូបមួយសន្លឹកដ៏គួរឲ្យភ្ញាក់ផ្អើល ដែលថតជាប់ដោយ Google Maps សូម Subscribe Telegram របស់ Cambosport ដើម្បីទទួលបានព័ត៌មានឆាប់រហ័ស