(អេស៉្បាញ)៖ អ្នកសារព័ត៌មានលើការផ្ទេរកីឡាករដ៏ល្បីឈ្មោះលោក Fabrizio Romano បានរាយការណ៍ឲ្យដឹងថា ក្លឹបកាតាឡាន់ Barcelona បានយល់ព្រមលើកិច្ចព្រមព្រៀងចុះហត្ថលេខាលើខ្សែបម្រើឆ្នើម Dani Olmo ដែលត្រៀមផ្ទេរពីក្លឹប RB Leipzig រួមជាមួយនឹងបេសកកម្មដ៏សំខាន់ដោយនាយកក្លឹបលោក Deco ក្នុងថ្ងៃនេះ។

គួរបញ្ជាក់ដែរថា Olmo បានយល់ព្រមកិច្ចព្រមព្រៀងរយៈពេល ៦ឆ្នាំ រហូតដល់ខែមិថុនា ឆ្នាំ២០៣០ ដូចដែលបានបង្ហាញកាលពីសប្តាហ៍មុន។ ជាមួយគ្នានេះ ខ្សែបម្រើជម្រើសជាតិអេស៉្បាញ ដែលមានវ័យ ២៦ឆ្នាំ មានតម្លៃខ្លួនផ្ទេរប្រមាណ ៥៥លានអឺរ៉ូ បូករួមនឹងប្រាក់រង្វាន់ផ្សេងៗ ៧លានអឺរ៉ូ បន្ថែមទៀតផងដែរ៕

ប្រភព៖ Fabrizio Romano