ប្រភពពីគេហទំព័រ El Nacional បានចុះផ្សាយថាៈ លោក Diego Simeone គ្រូបង្វឹក Atletico Madrid មានបំណងចង់ចុះហត្ថលេខានាំយកមិត្តរួមជាតិCristiano Ronaldo គឺកីឡាករ Goncalo Ramos កំលុងពេលទីផ្សារ ដោះដូរកីឡាករនិងបើកនៅមុនរដូវកាលថ្មី ២០២៤-២០២៥ និងចាប់ផ្តើម។ការបង្វែចំណាប់អារម្មណ៏នេះបានកើតមានឡើងបន្ទាប់ពីរូបលោកចង់បានខ្សែប្រយុទ្ធឆ្នើម Girona សញ្ជាតិអ៊ុយក្រែនគឺ Artem Dovbyk មករួមក្រុមត្រូវបរាជ័យ។
សូម Subscribe Telegram របស់ Cambosport ដើម្បីទទួលបានព័ត៌មានឆាប់រហ័ស
សម្រាប់ Ramos បច្ចុប្បន្នជាកីឡាករអចិន្រ្តៃយ៏របស់ក្រុម PSG និង ជាកីឡាករដែលលេងរួមក្រុមសិស្សច្បង Cristiano Ronaldo នៅជម្រើសជាតិព័រទុយ ហ្គាល់ហើយសម្រាប់គ្រូបង្វឹកអន្តរជាតិអាហ្សង់ទីនលោក Diego Simeone វិញមានបំណងចង់បានកីឡាកររូបនេះមកជំនួសតំណែង Alvaro Morata ដែលបានចាកចេញពី Atletico ទៅចូលរួមជាមួយ AC Milan ។
មានន័យថាRamos បច្ចុប្បន្នមានវ័យ ២៣ឆ្នាំមានលក្ខណៈសម្បត្តិស័ក្តសមបំផុតសម្រាប់តំណែងខ្សែប្រយុទ្ធជួរមុខដែលលោក Simeone រំពឹងថានិងរកបានគ្រាប់បាល់ទៀងទាត់សម្រាប់ក្រុម។ទោះយ៉ាងណាកីឡាករអន្តរជាតិព័រទុយហ្គាល់ Ramos ទើបតែចូលលេងអោយ PSG ជាអចិន្រ្តៃយ៍បានមួយរដូវកាលមានសុពលកិច្ចសន្យារហូតដល់បញ្ចប់រដូវកាល ២០២៧-២០២៨ ខណៈរូបគេចាប់ផ្តើមអាជីពនៅទឹកដី Parc Des Princes មិនបានជោគជ័យគួរកត់សម្គាល់នោះទេ ដោយរកបានត្រឹមតែ១៤គ្រាប់ និង Assist ២លើក ក្រោយពីបង្ហាញខ្លួនសរុប ៤០ដង និង មានតម្លៃខ្លួនប្រមាណ៥០លានយូរ៉ូ។
ប្រភព:Sportskeeda
វីដេអូRamosជាមួយ PSG:
