(អង់គ្លេស)៖ យោងតាមអ្នកកាសែតដ៏ល្បីល្បាញលើការផ្ទេរកីឡាករលោក Fabrizio Romano បានរាយការណ៍ឲ្យដឹងថា ក្លឹបអារ៉ាប៊ីសាអូឌីត Al-Hilal នៅ Saudi Pro League បានធ្វើការទាក់ទងចរចា ដើម្បីចុះហត្ថលេខាលើខ្សែប្រយុទ្ធវ័យក្មេង Vitor Roque របស់ក្លឹបកាតាឡាន់ Barcelona ។

សូម Subscribe Telegram របស់ Cambosport ដើម្បីទទួលបានព័ត៌មានឆាប់រហ័ស

គួរកត់សម្គាល់ថា ក្លឹបអារ៉ាប៊ីសាអូឌីតចាត់ទុក Vitor Roque ជាជម្រើសដ៏ល្អឥតខ្ចោះសម្រាប់ពួកគេ ខណៈ Barca នឹងមិនរារាំងឬក៏ហាមឃាត់នូវការសម្រេចចិត្តចាកចេញណាមួយរបស់កីឡាករវ័យ ១៩ឆ្នាំ រូបនេះនោះទេ បើទោះបីជាកុងត្រាបច្ចុប្បន្នជាមួយក្លឹប នឹងត្រូវផុតកំណត់រហូតដល់ឆ្នាំ ២០៣១ ក៏ដោយ។

គួរបញ្ជាក់ផងដែរថា ការផ្លាស់ទៅ Al Hilal នឹងផ្តល់ឱកាសឱ្យ Roque បានលេងជាមួយវីរបុរសប្រេស៊ីលរបស់ខ្លួន គឺតារាឆ្នើម Neymar Jr ដែលបានចាកចេញពី Paris Saint-Germain ទៅ Al-Hilal កាលពីរដូវក្តៅមុន៕

ប្រភព៖ SportsMole & Fabrizio Romano