(អង់គ្លេស)៖ ក្លឹបតោខៀវ Chelsea បានយល់ព្រមលើតម្លៃខ្លួនប្រហែល ៨.៥លានផោន លើខ្សែការពារសញ្ជាតិអាមេរិក Caleb Wiley របស់ក្លឹប Atlanta United នៅលីគ MLS នេះបើតាមការចេញផ្សាយពីគេហទំព័រកីឡាករ BBC នាថ្ងៃពុធនេះ។

សូម Subscribe Telegram របស់ Cambosport ដើម្បីទទួលបានព័ត៌មានឆាប់រហ័ស

ទន្ទឹមនឹងនេះ កីឡាករវ័យ ១៩ឆ្នាំ នឹងចុះហត្ថលេខាលើកិច្ចសន្យារយៈពេល ៧ឆ្នាំ ជាមួយ Chelsea មុនពេលផ្លាស់ទៅខ្ចីជើងនៅក្លឹប Ligue 1 គឺក្រុម Strasbourg ដែលជាផ្នែកមួយនៃភាគហ៊ុនរបស់ Chelsea ។ ដោយឡែក Wiley នឹងបង្ហាញខ្លួនសម្រាប់សហរដ្ឋអាមេរិក ក្នុងការប្រកួតកីឡាអូឡាំពិក នារដូវក្តៅ ដែលធ្វើឡើងនៅទីក្រុងប៉ារីសខាងមុខនេះ៕

ប្រភព៖ BBC