(អេស៉្បាញ)៖ យោងតាមសារព័ត៌មាន Marca របស់ប្រទេសអេស៉្បាញ និងតាមអ្នកសារព័ត៌មានដ៏ល្បីឈ្មោះលោក Fabrizio Romano បានរាយការណ៍ឲ្យដឹងថា ក្លឹបអធិរាជស Real Madrid បានយល់ព្រមលក់ខ្សែការពារ Rafa Marin ដែលបានចំណាយពេលខ្ចីជើងកាលពីឆ្នាំមុនជាមួយក្រុម Alaves ខណៈដែលត្រូវបានក្លឹប Napoli ខិតជិតនឹងបញ្ចប់កិច្ចព្រមព្រៀងផ្ទេរក្នុងតម្លៃត្រឹមតែ ១២លានអឺរ៉ូ ប៉ុណ្ណេាះដោយភ្ជាប់នឹងជម្រើសទិញត្រឡប់មកវិញផងដែរ។

ស្របពេលជាមួយគ្នានេះ កីឡាករវ័យ ២២ឆ្នាំ នឹង​ទទួល​បាន​ការ​ធ្វើ​តេស្ត​សុខភាព​មុន​បើក​រដូវ​កាលថ្មី ជាមួយក្រុមរបស់លោក Antonio Conte ខណៈក៏​នឹង​មាន​ខ្សែ​ការពារ​សម្រាប់ពង្រឹងក្រុមបន្ថែម​ទៀត​ក្នុង​ពេល​ឆាប់ៗ​ខាងមុខនេះដែរ។ ដោយឡែករូបគេគឺកីឡាករថ្នាលយុវជនរបស់ Real Madrid ប៉ុន្តែរូបគេមិនដែលមានឱកាសចូលលេងបង្ហាញខ្លួនឲ្យក្រុមឈុតធំនៅឡើយនោះទេ៕

ប្រភព៖ Fabrizio Romano & Football Italia