(ទីក្រុងឡុងដ៍)៖ ក្លឹបគូប្រជែងក្នុងលីគ Premier League គឺក្លឹប Aston Villa បានឈានដល់កិច្ចព្រមព្រៀងជាមួយតោខៀវ Chelsea ជាផ្លូវការហើយ ក្នុងការប្រមាញ់ទិញយកខ្សែការពារស្លាបឆ្វេង Maatsen ក្នុងតម្លៃប្រមាណ ៣៥លានផោន នេះបើយោងតាមការចេញផ្សាយរបស់សារព័ត៌មាន BBC នាថ្ងៃនេះ។
បច្ចុប្បន្ន កីឡាករវ័យទើបតែ ២២ឆ្នាំ ត្រូវបាន Chelsea ដាក់ឱ្យលេងតែ ១៦លើកប៉ុណ្ណេាះ ក្រោយចុះកិច្ចសន្យាពីក្លិបហូឡង់ PSV Eindhoven កាលឆ្នាំ២០១៩ មុនពេលត្រូវបញ្ជូនឲ្យលេងខ្ចីជើងនៅក្លឹប Charlton Athletic, Coventry City, Burnley និងចុងក្រោយនេះគឺ Borussia Dortmund ជាដើម។ ជាមួយគ្នានេះ Maatsen ក៏ជាសមាជិកមួយរូប ដែលបានរួមចំណែកជួយ Dortmund ឈានទៅផ្តាច់ព្រ័ត្រ UEFA Champions League រដូវកាលឆ្នាំ២០២៣-២០២៤ ផងដែរ ទោះបីចាញ់ Real Madrid ក្តី រូបគេក្នុងនាមកីឡាករលេងខ្ចីជើងនារដូវកាលមុន។
មួយវិញទៀត ខ្សែការពាររូបនេះក៏ត្រៀមជួយទឹកក្រូចហូឡង់លេងវគ្គ ១៦ក្រុមនៅ Euro ២០២៤ ទល់នឹងរូម៉ានី នៅរាត្រីថ្ងៃអង្គារសប្តាហ៍ក្រោយដែរ។ ទន្ទឹមនឹងនេះ រូបគេបានក្លាយជាសមាជិកថ្មីទី២ ជាមួយ Aston Villa ដោយស្ថិតក្រោមការបង្វឹករបស់លោក Unai Emery បន្ទាប់ពីការមកដល់របស់ខ្សែប្រយុទ្ធ Lewis Dobbin ពីក្លឹបស្ករគ្រាប់ Everton៕
ប្រភព៖ BBC
កីឡាករ Nathan Tella រកបានគ្រាប់បាល់ជ័យជំនះតែ១គ្រាប់គត់នៅនាទីទី៦៩ ក្រោយពីក្រុម ម្ចាស់ជើងឯកអាល្លឺម៉ង់ Bayer Leverkusen មានឱកាសច្រើនដោយសារតែក្រុមម្ចាស់ផ្ទះ Bayern Munich នៅសល់កីឡាករតែ១០នាក់ពោលគឺបន្ទាប់ពី អ្នកចាំទីជើងចាស់ Manuel Neuer ត្រូវអាជ្ញាកណ្តាលបណ្តេញចេញនៅនាទីទី១៧ នៃតង់ទី១ពេលរត់ចញទៅព្យាយាមសង្គ្រោះបាល់ដោយប៉ះទង្គិចជាមួយខ្សែការពារស្លាបឆ្វេង Jeremie Frimpong ។ជ័យជំនះនេះបានជួយអោយក្រុមលោក Xabi Alonso កក់កៅអីរបស់ពួកគេក្នុងវគ្គ ១/៤ ផ្តាច់ព្រ័ត្រ បន្ទាប់ពីបានផ្តួលគូប្រជែង Bayern Munich ត្រឹមលទ្ធផល១ទល់និង០កាលពីយប់ថ្ងៃអង្គារ ។អត្ថបទកំពុងចាប់អារម្មណ៍៖ Bayern Munich ធ្លាក់ចេញពី DFB Pokal ក្រោយបរាជ័យក្រោមថ្វីជើង Leverkusen (មាន១វីដេអូ) សូម Subscribe Telegram របស់ Cambosport ដើម្បីទទួលបានព័ត៌មានឆាប់រហ័ស គួររំលឹកថា អតីតខ្សែបម្រើ-ប្រយុទ្ធស្លាបស្តាំដើមកំណើតអង់គ្លេសតែមានសញ្ជាតិដើ់មនីហ្សេរីយ៉ាធ្លាប់លេងអោយក្លឹប Burnley និង Southampton ប៉ុន្តែTella បានផ្លាស់ទៅលេងនៅលីកកំពូលអាឡឺម៉ង់គឺ Leverkusen។ សម្រាប់ក្រុម Bayern Munich […]
