ខ្សែប្រយុទ្ធឆ្នើមប្រេស៊ីល Neymar JR ដែលបច្ចុប្បន្នកំពុងប្រកបអាជីពនៅក្លឹបអារាប់ Al-Hilal បានបង្ហើបនៅក្នុងកិច្ចសម្ភាសន៍មួយថា រូបគេអាចនឹងផ្ទេរទៅលេងនៅក្លឹបក្នុងប្រទេសអង់គ្លេស Premier League នៅថ្ងៃណាមួយ ។ លោក Gilberto Silva ដែលជាពិធីករក្នុងកម្មវិធីបានធ្វើការសាកសួរទៅកាន់អតីតខ្សែប្រយុទ្ធឆ្នើម Barcelona រូបនេះជុំវិញលទ្ធភាពដែលរូបគេអាចទៅប្រកួតអាជីពនៅទឹកដី អង់គ្លេសមុនចូលនិវត្តន៍ ហើយបានលើកឡើងក្រុម Arsenal ដែលជាគោលដៅដែលលោកចង់ឃើញ Neymar ទៅចូលរួមជាមួយ។

ទោះបីជាយ៉ាងមិញ Neymar ទទួលស្គាល់ថា Arsenal គឺជាក្លឹបមួយក្នុងចំណោះក្លឹប៤ផ្សេងទៀតនៅ  Premier League ដែលរូបគេចាប់អារម្មណ៍។ Neymar បានឆ្លើយតបថាៈ «ការប្រកួតប្រជែងនៅ Premier League បានធ្វើឲ្យខ្ញុំពេញចិត្តខ្លាំង។ ខ្ញុំចូលចិត្តការលេងរបស់ក្រុមនីមួយៗ ហើយនរណាដឹង? ថ្ងៃណាមួយខ្ញុំអាចទៅលេងទីនោះ។ ខ្ញុំពេញចិត្តក្រុម Manchester United, Chelsea, Arsenal និង Liverpool ព្រោះក្រុមទាំងអស់នោះតែប្រកួតប្រជែងគ្នា។»