(អេស៉្បាញ)៖ យោងតាមរបាយការណ៍ពីសារព័ត៌មាន Daily Mail ចេញផ្សាយក្នុងថ្ងៃព្រហស្បតិ៍នេះ បានឲ្យដឹងថា ក្រុមអធិរាជស Real Madrid បានចូលសាកសួរអំពីលទ្ធភាពនៃការចុះហត្ថលេខាលើខ្សែការពារ Cristian Romero របស់ក្រុមមាន់ខ្នាយមាស Tottenham Hotspurs មុនរដូវកាល ២០២៤-២៥ មកដល់។

សូម Subscribe Telegram របស់ Cambosport ដើម្បីទទួលបានព័ត៌មានឆាប់រហ័ស

ជាមួយនឹងការចុះហត្ថលេខាលើ Mbappe និងការមកដល់ដ៏ឆាប់រហ័សរបស់កីឡាករប្រេស៊ីល Endrick គឺត្រូវបានគេជឿថា គ្រូបង្វឹកលោក Carlo Ancelotti នឹងមានក្រុមដ៏អស្ចារ្យ ជាហេតុធ្វើឲ្យរូបគាត់សម្លឹងមើលលើសមត្ថភាពរបស់ Romero ដូចនេះ។ ដោយឡែក បើតាមសម្តីរបស់សាមីខ្លួន បានបញ្ជាក់ថា រូបគេកំពុងផ្តោតលើការប្រកួតពានរង្វាន់ Copa America ជាមួយក្រុមជម្រើសជាតិអាហ្សង់ទីនជាមុនសិន ចំណែកឯអនាគតរបស់គេ គេមិនទាន់បានគិតនៅឡើយនោះទេ៕

ប្រភព៖ SPORTbible & Daily Mail