(អង់គ្លេស)៖ ក្លឹបមាន់ខ្នាយមាស Tottenham Hotspur កំពុងចាប់អារម្មណ៍ក្នុងការចុះហត្ថលេខាលើខ្សែការពារកណ្តាល Hiroki Ito របស់ក្រុម Stuttgart ដោយកីឡាករជប៉ុន ដែលមានវ័យ ២៥ឆ្នាំ រូបនេះមានតម្លៃខ្លួនប្រមាណ ៣០លានអឺរ៉ូ នេះបើយោងតាមប្រភពសារព័ត៌មាន Sport Bild បានចេញផ្សាយនាថ្ងៃសុក្រនេះ។
គួរជម្រាបផងដែរថា ខ្សែការពារ Hiroki ស្ថិតនៅក្រោមកិច្ចសន្យារហូតដល់ខែមិថុនា ឆ្នាំ២០២៧ ជាមួយក្រុម Stuttgart។ ទោះជាយ៉ាងណា Spurs នឹងត្រូវបញ្ចុះបញ្ចូលកីឡាករជប៉ុនរូបនេះ ឱ្យចាកចេញពីក្លឹបដែលគ្រោងនឹងលេងនៅពាន UCL នៅរដូវកាលក្រោយផងដែរ។
រំលឹកផងដែរថា Hiroki បានចូលរួមជាមួយក្រុម Stuttgart ក្នុងកិច្ចសន្យាខ្ចីជើងក្នុងឆ្នាំ២០២១ មុនក្លាយខ្លួនជាកីឡាករអចិន្ត្រៃយ៍ក្នុងឆ្នាំ២០២២។ ទន្ទឹមនឹងនេះ គ្រូបង្វឹករបស់ Tottenham លោក Ange Postecoglou ចង់ពង្រឹងខ្សែការពាររបស់ពួកគេ ហើយជាមួយនឹងសមត្ថភាព Ito គាត់អាចនឹងជួយតំបន់ការពារបានច្រើនផងដែរ៕
ប្រភព៖ SportsMole
បរទេសៈ Paul Pogba ខ្សែបម្រើវ័យ៣២ឆ្នាំ ទទួលបានសំណើរផ្ទេរទៅកាន់ក្លឹបនៅក្របខណ្ឌ UEFA Champions League គឺ AS Monaco ក្នុងការផ្ទេរដោយគ្មានតម្លៃខ្លួន ខណៈខ្សែបម្រើឆ្នើមរូបនេះកំពុងសម្លឹងមើលការចាប់ផ្តើបអាជីពរបស់ខ្លួនសារជាថ្មី ក្រោយការជាប់ពិន័យអស់រយៈពេល១៨ខែ ដោយសារតែការរកឃើញសារធាតុញៀន។អត្ថបទកំពុងចាប់អារម្មណ៍៖ ស្ងាត់ៗ Pogba ទទួលបានសំណើរពីក្លឹបមួយដែលមានកៅអីលេង UCL រដូវកាលក្រោយ សូម Subscribe Telegram របស់ Cambosport ដើម្បីទទួលបានព័ត៌មានឆាប់រហ័ស Pogba ដែលគ្មានក្លឹបលេង តាំងតែពីក្លឹប. Juventus សម្រេចចិត្តផ្តាច់កិច្ចសន្យារបស់គេតាំងពីឆ្នំា២០២៤មកម្លេះ។ របាយការណ៍ថ្មីៗ នេះអះអាងថា បច្ចុប្បន្ន Pogba និងក្រុមការងារ កំពុងពិចារណាលើសំណើររបស់ក្លឹប AS Monaco ជាមួយនឹងក្លឹបកំពុងមានផែនការពង្រឹងតំបន់របស់ពួកគេដើម្បីត្រៀមប្រកួតក្នុងពានរង្វាន់ UEFA Champions League នារដូវកាលក្រោយ។ មុនក្លឹប AS Monaco គេក៏មើលឃើញ Marseille ដែរ តែត្រូវបានច្រានចោលវិញដោយសារតែការទាមទារប្រាក់ឈ្នួលរបស់ Pogba ច្រើនពេក៕
