រាជធានីភ្នំពេញ៖ វឌ្ឍនៈ ប្រ៊ូវើរី បន្តបេសកកម្មយ៉ាងមុតមាំសហការជាមួយសហព័ន្ធកីឡាបាល់ទាត់កម្ពុជាក្នុងស្មារតីខ្មែរតែមួយ ដើម្បីលើកស្ទួយកេរ្តិ៍ឈ្មោះវិស័យកីឡានៅប្រទេសកម្ពុជាទៅកាន់ឆាកអន្តរជាតិ ហើយនាពេលថ្មីៗនេះក៏បន្តចូលរួមសម្អាត និងថែរក្សាស្មៅនៅលើទីលានបានយ៉ាងល្អនៅពហុកីឡាដ្ឋានជាតិអូឡាំពិក។
ទីលានប្រកួតស្អាត ធ្វើឲ្យបច្ចេកទេសនៃការលេងបាល់បានល្អ ទាំងការគ្រប់គ្រងបាល់ ការបញ្ជូនបាល់ ទាំងល្បឿននៃការរត់របស់ក្រុមកីឡាករនៅលើទីលានប្រកួតគឺមានគុណភាព។ វាលស្មៅនៅលើទីលានស្អាត ក៏ជាចំណែកមួយ ដែលបំពេញគ្រប់លក្ខខណ្ឌនៃហេដ្ឋារចនាសម្ព័ន្ធកីឡា ដែលបង្ហាញឲ្យពិភពលោកបានដឹងថានៅប្រទេសកម្ពុជា គឺមានសមត្ថភាពធ្វើជាម្ចាស់ផ្ទះសម្រាប់ការប្រកួតសំខាន់ៗ និងការប្រកួតលំដាប់អន្តរជាតិ។ វឌ្ឍនៈ ប្រ៊ូវើរី បានចូលរួមថែរក្សាសម្អាតស្មៅរយៈពេល ២ឆ្នាំមកហើយ ដែលធ្វើឲ្យស្មៅនៅលើទីលានប្រកួតស្អាតទាក់ទាញភ្ញៀវជាតិ និងអន្តរជាតិចូលរួមទស្សនាស្ញប់ស្ញែងដល់ប្រទេសកម្ពុជា ទាំងនៅក្នុងព្រឹត្តិការណ៍កីឡាប្រវត្តិសាស្រ្តស៊ីហ្គេមលើកទី៣២ ដែលកម្ពុជាធ្វើជាម្ចាស់ផ្ទះ និងការប្រកួតបាល់ទាត់មិត្តភាពអន្តរជាតិជាច្រើន។
នេះគឺបង្ហាញពីការយកចិត្តទុកដាក់ និងត្រៀមខ្លួនរួចជាស្រេចសម្រាប់ការប្រកួតបាល់ទាត់មិត្តភាពអន្តរជាតិ “Vattanac International Friendly” រវាងក្រុមជម្រើសជាតិកម្ពុជាប្រកួតជាមួយក្រុមជម្រើសជាតិម៉ុងហ្គោលីនៅថ្ងៃទី០៧ ខែមិថុនា ឆ្នាំ២០២៤ ខាងមុខនេះ។ អ្វីកាន់តែពិសេសអស្ចារ្យ សម្រាប់អ្នកគាំទ្រនៅក្នុងការប្រកួតនេះ គឺ វឌ្ឍនៈ ប្រ៊ូវើរី ក៏បានរៀបចំនូវផ្ទាំងទស្សនីយភាពសិល្បៈនៅពាក់កណ្តាលការប្រកួត ដោយជួបជាមួយតារាចម្រៀងល្បីៗដូចជា អ្នកនាងមាស សុខសោភា លោក ពូឃ្លាំង លោកនីកូ លោកបាក់យ៉ុង លោកណាវីត និងកញ្ញាកាម៉ុនរ៉ាត់ផងដែរ។
វឌ្ឍនៈ ប្រ៊ូវើរី តែងតែចូលរួមគាំទ្រគ្រប់សកម្មភាពក្នុងវិស័យកីឡាបាល់ទាត់ ដោយឧបត្ថម្ភគាំទ្រក្លិបកីឡាបាល់ទាត់ជាច្រើន ការប្រកួតលីគ និងគាំទ្រក្រុមបាល់ទាត់ជម្រើសជាតិកម្ពុជា ព្រមទាំងគាំទ្រលើកស្ទួយកម្មវិធីកីឡាជាច្រើនទៀតរួមមាន កម្មវិធីកីឡាថ្នាក់បឋមសិក្សា ថ្នាក់ឧត្តមសិក្សា ព្រមទាំងថ្នាក់ជាតិ ហើយក៏ជាមោទកភាព ដែលក្លិបបាល់ទាត់ព្រះខ័នរាជស្វាយរៀង ជាក្លិបដៃគូសហការទទួលបានជើងឯកនៅក្នុងរដូវកាលនេះផងដែរ។
ការចូលរួមចំណែកឧបត្ថម្ភរបស់វឌ្ឍនៈ ប្រ៊ូវើរី គឺពិតជាសំខាន់ ហើយមានតម្លៃ ដោយយើងជឿជាក់ថា កីឡារស់ក្នុងសន្តិរភាព កីឡានាំមកនូវភាពរីករាយ មិត្តភាព និងសាមគ្គីភាព ទោះលទ្ធផលយ៉ាងណានោះជាស្មារតីកីឡា ហើយយើងនឹងនៅតែរក្សាឆន្ទៈដ៏មុតមាំក្នុងការចូលរួមគាំទ្រជាមួយអ្នកទាំងអស់គ្នាក្នុងស្មារតីខ្មែរតែមួយ ដើម្បីលើកស្ទួយវិស័យកីឡាបាល់ទាត់នៅប្រទេសកម្ពុជាឲ្យកាន់តែប្រសើរនៅលើឆាកអន្តរជាតិ៕
ស្មារតីខ្មែរតែមួយ x វ
“ទាំងអស់គ្នា ដើម្បីកម្ពុជា”
- សូមទស្សនានូវវីដេអូខាងក្រោម៖
គាំទ្រគុនខ្មែរជាមួយគ្រុឌ!
គ្រុឌគុនខ្មែរ ថែអត្តសញ្ញាណខ្មែរ នាំគុនខ្មែរ ល្បីលើឆាកអន្តរជាតិ..
ខ្សែបម្រើស្លាបរបស់ Athletic Bilbao កីឡាករ Nico Williams បានយល់ព្រមលើលក្ខខណ្ឌផ្ទាល់ខ្លួនលើកិច្ចសន្យារយៈពេល 6 ឆ្នាំជាមួយក្លឹប Barcelona រួចរាល់ហើយនេះបើយោងតាមប្រភពពីបណ្តាញសារពត៌មាននៅក្នុងប្រទេសអេស្បាញបានចុះផ្សាយ។សមាជិកជ័យលាភី Euro 2024 Williams បានបង្ហាញក្តីអស់សង្ឃឹមក្នុងការចូលរួមជាមួយគូប្រជែង LaLiga របស់ពួកគេពីក្លឹបអាណាព្យាបាលAt.Bilbao នៅរដូវក្តៅនេះ បន្ទាប់ពីខកខានកិច្ចព្រមព្រៀងកាលពីឆ្នាំមុន។យោងតាមអ្នកជំនាញការផ្ទេរកីឡាករសញ្ជាតិអ៊ីតាលីលោក Fabrizio Romano បានបញ្ជាក់ថាខ្សែបម្រើស្លាបឆ្វេងសញ្ជាតិអេស្ប៉ាញរូបនេះបានយល់ព្រមលើប្រាក់ខែរបស់គាត់ជាមួយ Barca និងលក្ខណ្ឌផ្សេងៗផងដែរ ។អត្ថបទកំពុងចាប់អារម្មណ៍៖ មិនមែន Bayern រឺ Arsenal ! Nico Williams សម្រេចចិត្តចូលរួមជាមួយក្លឹបមួយនេះជំនួសវិញ សូម Subscribe Telegram របស់ Cambosport ដើម្បីទទួលបានព័ត៌មានឆាប់រហ័ស នៅក្នុងអត្ថបទចុះផ្សាយនោះលោក Romano បានសរសេរនៅលើបណ្តញទំនាក់ទំនង X កាលពីថ្ងៃព្រហស្បតិ៍យ៉ាងដូច្នេះថា Nico Williams និង Barça បានយល់ព្រមលើលក្ខខណ្ឌផ្ទាល់ខ្លួនជាមួយកិច្ចសន្យា 6 ឆ្នាំ ជាមួយសុពលភាពកិច្ចសន្យារហូតដល់ខែមិថុនា ឆ្នាំ 2031 ជាមួយនឹងប្រាក់ឈ្នួលពលកម្មចន្លោះពី […]
