![Featured-Image](https://cambosport.net/wp-content/uploads/2024/05/BeckhamSpeak1999Treble_13_may_2024-1024x538.jpg)
(អង់គ្លេស)៖ លោក David Beckham ម្ចាស់ក្លឹបបាល់ទាត់ Inter Miami FC បច្ចុប្បន្ន កំពុងមានក្តីរំពឹងថា ភាពយន្តឯកសារដែលក្រុមបិសាចក្រហម Manchester United ឈ្នះពានដល់ទៅ៣ កាលពីឆ្នាំ១៩៩៩ អាចជួយជម្រុយទឹកចិត្តកីឡាករបិសាចក្រហមក្នុងពេលបច្ចុប្បន្ននេះបាន។
សូម Subscribe Telegram របស់ Cambosport ដើម្បីទទួលបានព័ត៌មានឆាប់រហ័សលោក Beckham បានថ្លែងក្នុងកម្មវិធី BBC 5 Live យ៉ាងដូច្នេះថា «គ្រប់ពេលវេលាទាំងអស់ ខ្ញុំតែងតែគិតថា គ្រប់គ្នាដែលបានមើលវីដេអូនេះ ថ្វីបើអ្នកធ្លាប់មានទំនាក់ទំនងជាមួយ Man Utd អាចទទួលបានពីការជម្រុញទឹកចិត្តពីវីដេអូនេះជាក់ជាមិនខាន។ វាគឺជាពេលវេលាដ៏លំបាកដែលបិសាចក្រហមជួបប្រទះក្នុងពេលប៉ុន្មានឆ្នាំចុងក្រោយនេះ»។
គាត់បានបន្ថែមទៀតថា «បច្ចុប្បន្នពួកយើងមានអារម្មណ៍ថា ការឈ្នះពានរង្វាន់ធំៗរាងនៅឆ្ងាយបន្តិចមែន ក៏ប៉ុន្តែវានឹងអាចកើតឡើងដោយឥតសង្ស័យ ប្រសិនបើពួកយើងមានការជម្រុញ និងខិតខំពីឥឡូវនេះតទៅ»។
អតីតប្រធានក្រុមជម្រើសជាតិតោកំណាចអង់គ្លេស David Beckham ធ្លាប់លេងបាន ៣៩៤ប្រកួតឱ្យ Man Utd ជាមួយនឹងការឈ្នះពានលីគកំពូល Premier League បាន ៦លើកផងដែរ ចាប់ពីឆ្នាំ ១៩៩២ ដល់ឆ្នាំ ២០០៣ ដោយរកបាន ៨៥គ្រាប់។ អ្វីដែលពិសេស Beckham គឺជាសមាជិកដ៏សំខាន់ ១រូប ដែលបានរួមចំណែកជួយបិសាចក្រហមឈ្នះជើងឯកពាន UEFA Champions League, Premier League និង FA Cup ក្នុងរដូវកាលឆ្នាំ១៩៩៨-១៩៩៩ ដោយស្ថិតក្រោមការបង្វឹករបស់គ្រូតា Sir Alex Ferguson ក្នុងរយៈពេល ២៥ឆ្នាំកន្លងទៅ។
បច្ចុប្បន្ន Man Utd កំពុងឈរនៅលេខរៀងទី៨ ក្នុងលីគ និងពុំដែលឈ្នះពានធំនេះឡើយ គិតចាប់តាំងពីលោក Sir Alex លាឈប់កាលពីឆ្នាំ២០១៣ មក។ Man Utd ឈ្នះពាន UEFA Champions League ចុងក្រោយក្នុងឆ្នាំ២០០៨ ពាន FA Cup ក្នុងឆ្នាំ២០១៦ ពានលំដាប់ទី២ អឺរ៉ុប UEFA Europa League ២០១៧ និងចុងក្រោយពាន League Cup នាឆ្នាំ២០២៣៕
![](https://cambosport.net/wp-content/uploads/2024/09/ValenciaXPolish04Sep2024-300x158.jpg)
![](https://cambosport.net/wp-content/uploads/2024/09/TenHagXManUtd04Sep2024-300x158.jpg)
![](https://cambosport.net/wp-content/uploads/2024/09/Sancho-MCtominay-300x158.png)