![Featured-Image](https://cambosport.net/wp-content/uploads/2024/05/AlonsoBayerLeverkusen_13_may_2024-1024x538.jpg)
(ម៉ូនិច)៖ ក្លឹប Bayer Leverkusen ដែលបានឈ្នះជើងឯកលីគកំពូលអាល្លឺម៉ង់ Bundesliga រដូវកាលនេះ បានប្រកាសពីការចាក់សាក់ឡូហ្គោ (Logo) ក្លឹបដោយឥតបង់ថ្លៃប្រាក់ ដើម្បីជាការរំលឹកចំពោះរដូវកាលដ៏អស្ចារ្យដែលពួកគេបានឆ្លងកាត់ព្យុះភ្លៀងកន្លងមក នេះបើយោងតាមការចេញផ្សាយដោយគេហទំព័រកីឡា BBC ។
ក្រុមមួយនេះ ត្រូវលេង ៤ប្រកួតទៀតប៉ុណ្ណោះស្ថិតក្រោមការបង្វឹកដោយបុរសសញ្ជាតិអេស្ប៉ាញ Xabi Alonso ដោយរំពឹងថា ឈ្នះពានដល់ទៅ៣ ក្នុងមួយរដូវកាលឆ្នាំ២០២៣-២០២៤ ដ្បិតឈានដល់ផ្តាច់ព្រ័ត្រពានអឺរ៉ុប UEFA Europa League និងពានលំដាប់ទី២ របស់អាល្លឺម៉ង់ German Cup ផងដែរ។
ក្នុងន័យមួយទៀតនៃការចាក់សាក់នេះដែរ (tattoos) គឺដើម្បីជាការអបអរដល់ក្លិបដែលរក្សាកំណត់ត្រាលេងមិនចាញ់ក្នុងចំណោម ៤៩ប្រកួតមកនេះទៀតផង ដែលត្រូវលេង ២ប្រកួតទៀតក្នុងលីគ មុនពេលប្រារព្វពិធីអបអរពាន Bundesliga ជាលើកដំបូងរបស់ពួកគេ។
មែនទែនទៅ Bayer Leverkusen បានវ៉ាកំណត់ត្រាលេងមិនចាញ់ច្រើនប្រកួតរបស់ Benfica ក្នុងនាមជាក្រុមអឺរ៉ុបដែលធ្លាប់ធ្វើបាននៅឆ្នាំ១៩៦៣ និងឆ្នាំ១៩៦៥។
Leverkusen បានបញ្ជាក់ថា «ការចាក់សាក់ free នេះដែរ គឺជាសកម្មភាពដ៏ពិសេសដល់អ្នកគាំទ្រ ដែលការផ្តល់ជូននេះ ចាប់ពីពេលនេះរហូតដល់ចប់រដូវកាលតែម្តង។ ដូច្នេះរាល់អ្នកគាំទ្រ អាចជ្រើសរើសឡូហ្គោក្លិបបានមួយ ក្នុងចំណោមឡូហ្គោជាច្រើនរបស់ Bayer 04 ដើម្បីចាក់សាក់»៕
![](https://cambosport.net/wp-content/uploads/2024/09/ValenciaXPolish04Sep2024-300x158.jpg)
![](https://cambosport.net/wp-content/uploads/2024/09/TenHagXManUtd04Sep2024-300x158.jpg)
![](https://cambosport.net/wp-content/uploads/2024/08/28Aug2024-300x158.jpg)