(បារាំង)៖ អ្នកសារព័ត៌មានលើការផ្ទេរកីឡាករដ៏ល្បីឈ្មោះលោក Fabrizio Romano បានបញ្ជាក់យ៉ាងច្បាស់ថា ខ្សែប្រយុទ្ធឆ្នើមសញ្ជាតិបារាំង Kylian Mbappe បានត្រៀមខ្លួនរួចរាល់ក្នុងការចាកចេញពីក្លឹបយក្សបារាំង Paris Saint-Germain នៅចុងបញ្ចប់នៃរដូវកាលនេះ នាចុងខែមិថុនាខាងមុខ។
យោងតាមសារព័ត៌មាន AS បានឲ្យដឹងថា តារាឆ្នើមវ័យ ២៥ឆ្នាំ បានយល់ព្រមកាត់បន្ថយប្រាក់ឈ្នួលរបស់ខ្លួនក្នុង ១ឆ្នាំ នៅ PSG ប្រមាណ ៧២លានអឺរ៉ូ មកសល់ត្រឹមតែ ២៥លានអឺរ៉ូ ប៉ុណ្ណេាះ ក្នុង១ឆ្នាំ ជាមួយក្រុមអធិរាជស Real Madrid បន្ទាប់ពីបង់ពន្ធរួចនៅទីក្រុងម៉ាឌ្រីដ។ ជម្រាបដែរថា Mbappe នឹងមិនមានតម្លៃខ្លួនផ្ទេរនោះឡើយ ខណៈ Real Madrid តាមចែចង់អស់ពេលជាយូរមកហើយ។
គួរកត់សម្គាល់ថា Mbappe បានបង្ហាញទម្រង់លេងបានយ៉ាងល្អម្តងទៀត សម្រាប់ PSG ដោយរូបគេស៊ុតបញ្ចូលទីបាន ៤៣គ្រាប់ និងបញ្ជូនបាល់ឱ្យមិត្តរួមក្រុមបាន ១០ដង ក្នុងការបង្ហាញខ្លួន ៤៦លើក ក្នុងអំឡុងយុទ្ធនាការឆ្នាំ ២០២៣/២៤៕
ប្រភព៖ SportsMole
(អាល្លឺម៉ង់)៖ ខ្សែបម្រើឆ្នើម Declan Rice ភ្ញាក់ផ្អើលដែលមិនអាចកាត់ថ្លៃបាន! ចំពោះគ្រាប់បាល់ដ៏អស្ចារ្យរបស់ Jude Bellingham ដោយរូបហក់ផ្កាប់ចានចុងម៉ោងនាទីទី៩០+៥ ខណៈដែលជួយសង្គ្រោះក្រុមតោកំណាចអង់គ្លេសតាមស្មើ ១:១ ទល់នឹងជម្រើសជាតិស្លូវ៉ាគី ក្នុងជំនួបវគ្គ១៦ក្រុម Euro ឆ្នាំ២០២៤។ គួរជម្រាបដែរថា អង់គ្លេសបានវាយបកយកឈ្នះស្លូវ៉ាគី ២ទល់នឹង១ នៅម៉ោងបន្ថែម ១៥នាទី ២ដង ដូច្នេះអង់គ្លេសបានឈានទៅវគ្គ៨ក្រុមចុងក្រោយក្នុងព្រឹត្តិការណ៍ពិភពលោកនេះ៕អត្ថបទកំពុងចាប់អារម្មណ៍៖ Rice ភ្ញាក់ផ្អើលសឹងមិនជឿនឹងភ្នែក! ក្រោយ Bellingham ហក់ផ្កាប់ចានសង្គ្រោះអង់គ្លេសចុងម៉ោង (មានវីដេអូ) សូម Subscribe Telegram របស់ Cambosport ដើម្បីទទួលបានព័ត៌មានឆាប់រហ័ស សូមទស្សនានូវវីដេអូគ្រាប់បាល់ Bellingham នៅខាងក្រោម៖ Stunning from Jude Bellingham 🤸😲@AlipayPlus | #EUROGOTT pic.twitter.com/0CAWvwhO2W — UEFA EURO 2024 (@EURO2024) June 30, 2024
