គ្រូបង្វឹកក្រុមតោខៀវ Chelsea លោក Mauricio Pochettino បានលើកឡើងថា ខ្លួនមានការខកចិត្តយ៉ាងខ្លាំងចំពោះវិវាទរបស់កូនក្រុមទាំង៣រូបដែលបានដណ្តើមបាល់គ្នាយកទៅទាត់បាល់ពិន័យ១១ម៉ែត្រកំលុងការប្រកួតដែលម្ចាស់ផ្ទះ Chelsea បានលត់ភ្ញៀវ Everton ចាស់ដៃដោយលទ្ធផល ៦ទល់និង០កាលពីវេលាទាបភ្លឺឈានចូលព្រឹកថ្ងៃអង្គារនេះ។ជ័យជំនះនេះបានធ្វើអោយChelsea ឈរនៅលេខរៀងទី៩ ប៉ុន្តែមានគម្លាតត្រឹមតែ៣ពិន្ទុប៉ុណ្ណោះពីក្រុមលេខ៦ និង៧ គឺMan.Utd និង Newcastle ។
បើទោះបីជាទទួលបានលទ្ធផលយកឈ្នះដ៏លើសលប់បែបនេះក្តី ប៉ុន្តែអ្នកចាត់ការទូទៅសញ្ជាតិអាហ្សង់ទីន បានធ្វើការដាស់តឿន និង ព្រមានដល់កីឡាករដែលជាប់ពាក់ព័ន្ធនិងសកម្មភាពទាំងនេះមានដូចជា Nicolas Jackson និង Noni Madueke ដែលបានប្រកែកគ្នាដណ្តើមយកបាល់ បន្ទាប់ពីប្រធានក្រុមConor Gallagher បានយកបាល់ពី Madueke មកអោយ Palmer ប៉ុន្តែត្រូវបាន Jackson ព្យាយាមយកមកវិញ តែទីបំផុតគឺ Cole Palmer គឺជាអ្នកទទួលខុសត្រូវស៊ុតបញ្ចូលទីរៀងរាល់ការប្រកួត បានទាត់បាល់ពិន័យនោះបានសម្រេចនិងជាគ្រាប់ទី៤(Hat-Trick)សម្រាប់ខ្សែបម្រើស្លាបសញ្ជាតិអង់គ្លេស រូបនេះ។គិតត្រឹមសប្តាហ៏ទី៣១នេះ Palmerរកបានគ្រាប់បាល់៩គ្រាប់ហើយនៅរដូវកាលនេះ។
លោក Pochettino បានបញ្ជាក់យ៉ាងដូច្នេះថាៈ ខ្ញុំមិនអាចទទួលយកអាកប្បកិរិយាបែបនេះបានទេ។ សូមអោយខ្ញុំបានឃើញសកម្មភាពបែបនេះជាលើក ចុងក្រោយទៅចុះ។ប្រសិនបើយើងចង់ក្លាយជាក្រុមដ៏អស្ចារ្យ យើងត្រូវផ្លាស់ប្តូរ និងគិតឃើញប្រយោជន៏រួម។ Palmer គឺត្រូវសម្រេចចិត្តថាតើគាត់ចង់ផ្តល់បាល់ដល់មិត្តរួមក្រុមដែរឬទេ។ វាជារឿងសំខាន់ និងជារឿងអាម៉ាស់។ វាហាក់បីដូចជាក្រុមមួយដែលមានកីឡាករក្មេង”ៗត្រូវការរៀនសូត្រច្រើនទៀត ខ្ញុំចង់សុំទោសអ្នកគាំទ្រលើសកម្មភាពទាំងនេះ។ពួកគេត្រូវការរៀនសូត្របន្ថែមទៀតលើក្រមសីលធម៌ និងជំនាញវិជ្ជាជីវៈ។
ប្រភព:BBC
វីដេអូ:
ក្រុមកំពូលតារាង La Liga គឺអ្នកមានបុណ្យ Barcelona មានបំណងចង់ស្វែងរកជ័យជំនះឡើងវិញក្រោយរងការបរាជ័យដ៏គួរឱ្យភ្ញាក់ផ្អើលមុនពេលប្រកួតព្រឹត្តិការណ៍ Uefa Nation league កាលពីខែវិច្ឆិកានេះខណៈពួកគេនិងត្រូវធ្វើដំណើរទៅសួរសុខទុក្ខម្ចាស់ផ្ទះ Celta Vigo នៅវេលាម៉ោង៣ទាបភ្លឺឈានចូលថ្ងៃអាទិត្យវេលាម៉ោង៣ ទាបភ្លឺ។អត្ថបទកំពុងចាប់អារម្មណ៍៖ Prediction: Barcelona អាចស្តារមុខមាត់ឡើងវិញបានទេពេលធ្វើធ្វើដំណើរទៅផ្ទះ Celta Vigo សូម Subscribe Telegram របស់ Cambosport ដើម្បីទទួលបានព័ត៌មានឆាប់រហ័ស Barcelona បានចាញ់ Real Sociedad ១-0 សម្រាប់ការប្រកួតចុងក្រោយបង្អស់នៅLa Liga ប៉ុន្តែពួកគេនៅមាន ៦ ពិន្ទុនាំមុខលើក្រុមលេខ ២ Real Madrid ខណៈ Celta ខណៈពេលដែល Celta ស្មើ ២-២ ជាមួយ Real Betis ក្នុងការប្រកួតចុងក្រោយរបស់ពួកគេនៅលើកំពូលរបស់អេស្ប៉ាញ។ ៦ប្រកួតចុងក្រោយរបស់ Barcelona ឈ្នះ៤ចាញ់២ឈរនៅលេខរៀងទី១ ខណៈ Celta Vigo ឈ្នះ២ស្មើ២និងចាញ់១ឈរនៅលេខរៀងទី១១។ […]
