(អង់គ្លេស)៖ យោងតាមសារព័ត៌មានអេស្ប៉ាញ Defensa Central បានអះអាងថា ក្រុមកាំភ្លើងធំ Arsenal បានត្រៀមខ្លួនរួចជាស្រេចក្នុងការចំណាយប្រាក់ធំសម្បើម ១១០លានអឺរ៉ូ ឬស្មើនឹង ៩៤លានផោន ដើម្បីចុះហត្ថលេខាលើខ្សែបម្រើការពារកំពុងឡើងជើង Eduardo Camavinga របស់ក្រុមអធិរាជស Real Madrid នៅរដូវក្តៅខាងមុខ។ រំលឹកដែរថា កីឡាករសញ្ជាតិបារាំង បានធំធាត់នៅក្រុម Rennes នៃ Ligue 1 មុនពេលរូបគេផ្លាស់ទៅកីឡដ្ឋាន Santiago Bernabeu ក្នុងតម្លៃ ៣១លានអឺរ៉ូ ក្នុងឆ្នាំ ២០២១។
ស្ថិតក្នុងវ័យត្រឹមតែ ២១ឆ្នាំ Camavinga បានបង្ហាញខ្លួនសរុបចំនួន ១៣២លើក រួចមកហើយសម្រាប់ក្រុម Real Madrid ដោយស៊ុតបញ្ចូលទីបាន ២គ្រាប់ និង Assists ៦ដង។ យ៉ាងណាមិញ Camavinga ត្រូវតែប្រយុទ្ធជាប្រចាំ ដើម្បីកៅអីជម្រើសដំបូង ប្រឆាំងនឹងកីឡាករដូចជា Aurelien Tchouameni, Federico Valverde, Toni Kroos និង Luka Modric។ ជាក់ស្តែង កិច្ចសន្យាកុងត្រាថ្មី Camavinga ជាមួយ Real Madrid នឹងផុតកំណត់ដល់ខែមិថុនា ឆ្នាំ ២០២៩។
របាយការណ៍បានបន្ថែមថា អ្នកចាត់ការទូទៅក្រុម Arsenal លោក Mikel Arteta កំពុងទាក់ទាញ និងបញ្ចុះបញ្ចូលកីឡាករវ័យក្មេងរូបនេះឲ្យផ្លាស់ទៅកាន់ទឹកដីកីឡដ្ឋាន Emirates បើទោះជាឥឡូវប្រធានក្លឹប Real Madrid លោក Florentino Perez មិនមានបំណងចង់ចែកផ្លូវជាមួយ Camavinga ក៏ដោយ។ ភាពប៉ិនប្រសប់ និងការអភិវឌ្ឍន៍របស់ Camavinga បានវិវត្តន៍ខ្លួនទៅជាកីឡាករដ៏ឆ្នើមម្នាក់នៅវ័យក្មេង ក៏ដូចជាសក្ដានុពលដ៏ធំធេងរបស់គេ គឺប្រាកដណាស់ថា Arsenal ពិតជាចង់បានខ្លាំង មិនថាក្លឹបកំពូលៗជាច្រើននៅអឺរ៉ុបនោះទេ៕
ប្រភព៖ SportsMole
ក្រុមកំពូលតារាង La Liga គឺអ្នកមានបុណ្យ Barcelona មានបំណងចង់ស្វែងរកជ័យជំនះឡើងវិញក្រោយរងការបរាជ័យដ៏គួរឱ្យភ្ញាក់ផ្អើលមុនពេលប្រកួតព្រឹត្តិការណ៍ Uefa Nation league កាលពីខែវិច្ឆិកានេះខណៈពួកគេនិងត្រូវធ្វើដំណើរទៅសួរសុខទុក្ខម្ចាស់ផ្ទះ Celta Vigo នៅវេលាម៉ោង៣ទាបភ្លឺឈានចូលថ្ងៃអាទិត្យវេលាម៉ោង៣ ទាបភ្លឺ។អត្ថបទកំពុងចាប់អារម្មណ៍៖ Prediction: Barcelona អាចស្តារមុខមាត់ឡើងវិញបានទេពេលធ្វើធ្វើដំណើរទៅផ្ទះ Celta Vigo សូម Subscribe Telegram របស់ Cambosport ដើម្បីទទួលបានព័ត៌មានឆាប់រហ័ស Barcelona បានចាញ់ Real Sociedad ១-0 សម្រាប់ការប្រកួតចុងក្រោយបង្អស់នៅLa Liga ប៉ុន្តែពួកគេនៅមាន ៦ ពិន្ទុនាំមុខលើក្រុមលេខ ២ Real Madrid ខណៈ Celta ខណៈពេលដែល Celta ស្មើ ២-២ ជាមួយ Real Betis ក្នុងការប្រកួតចុងក្រោយរបស់ពួកគេនៅលើកំពូលរបស់អេស្ប៉ាញ។ ៦ប្រកួតចុងក្រោយរបស់ Barcelona ឈ្នះ៤ចាញ់២ឈរនៅលេខរៀងទី១ ខណៈ Celta Vigo ឈ្នះ២ស្មើ២និងចាញ់១ឈរនៅលេខរៀងទី១១។ […]
