អតីតកីឡាករបាល់ទាត់អន្តរជាតិប្រេស៊ីលដ៏ល្បីល្បាញ Robinho ត្រូវបានឃាត់ខ្លួនដើម្បីអនុវត្តសាលក្រមតុលាការអោយជាប់ពន្ធនាគាររយៈពេលប្រាំបួនឆ្នាំពីបទរំលោភសេពសន្ធវៈខណៈទោសរបស់គាត់ត្រូវបានកាត់កាលពី ៣ឆ្នាំមុននៅក្នុងប្រទេសអ៊ីតាលីសម្រាប់ការចូលរួមក្នុងការរំលោភបូកលើស្ត្រីជនជាតិអាល់បានីនៅក្លឹបរាត្រីមួយក្នុងទីក្រុង Milan នាឆ្នាំ ២០១៣។
Robinho អតីតកីឡាករ Real Madrid,Man.City និង AC.Milan បច្ចុប្បន្នមានវ័យ៤០ឆ្នាំត្រូវបានចាប់ខ្លួននៅផ្ទះរបស់គាត់ក្នុងទីក្រុង Santos ដែលជាស្រុកកំណើតរបស់គាត់។រដ្ឋាភិបាលអ៊ីតាលីបានស្នើឲ្យគាត់ជាប់ទោសនៅប្រេស៊ីលបន្ទាប់ពីបរាជ័យក្នុងការធ្វើបត្យាប័នបញ្ចូនមកអ៊ីតាលីនោះ។ចំណាត់ការយ៉ាងម៉ឺងម៉ាត់ដែលធ្វើឡើងដោយប្រព័ន្ធយុត្តិធម៌របស់ប្រទេសប្រេស៊ីលត្រូវបានកោតសរសើរដោយមនុស្សជាច្រើននៅលើប្រព័ន្ធផ្សព្វផ្សាយក្នុងស្រុកដែលភ័យខ្លាចថា Robinho នឹងអាចជួបរឿងនិទ័ណ្ឌភាព(ភាពរួចទោស)នូវអំពើអយុត្តិធម៌ដែលរូបគេបានធ្វើដោយផ្អែកលើកេរ្តិ៍ឈ្មោះ និងទ្រព្យសម្បត្តិរបស់គាត់ដែលមានក្រោយប្រកបអាជីពបាល់ទាត់អស់រយៈពេលជិត២ទស្សវត្សមកនោះ(២០០២-២០២០)។
អតីតកីឡាករជម្រើសជាតិប្រេស៊ីលធ្លាប់លេងអោយក្រុមសាំបាបាន១០០លើក និងទទួលរងបទចោតនេះកំលុងប្រកបអាជីពអោយក្លឹប AC Milan ហើយបន្ទាប់ពីត្រូវបានរកឃើញថាមានកំហុស គាត់បានបាត់បង់ការប្តឹងឧទ្ធរណ៍នៅឆ្នាំ ២០២០ មុនពេលតុលាការកំពូលរបស់ប្រទេសអ៊ីតាលីបានតម្កល់ការកាត់ទោសរបស់គាត់នៅឆ្នាំ ២០២២ ។បន្ទាប់មក ព្រះរាជអាជ្ញាអ៊ីតាលីបានចេញដីកាចាប់ខ្លួនជាអន្តរជាតិសម្រាប់គាត់។កីឡាករបាល់ទាត់ដែលបានចំណាយពេលពីរឆ្នាំជាមួយ Manchester City បានប្រាប់បណ្តាញពត៌មានប្រេស៊ីលមួយកាលពីថ្ងៃអាទិត្យថា ការរួមភេទនោះគឺជាការយល់ព្រមទោះបីជាមិនមែនដៃគូ១ទល់និង១តែវាជាការរំលោភបូក។
ប្រភព:BBC
វីដេអូ:
គុនខ្មែរ៖ យោងទៅតាមការបញ្ជាក់ដោយលោក Yen-Mao បានបញ្ជាក់ថា ជើងខ្លាំងប្រទេសថៃ Lamnammunk ទើបមកដល់ប្រទេសកម្ពុជានៅក្នុងថ្ងៃ ដោយគាត់ត្រៀមប៉ះជាមួយនឹងជើងខ្លាំងគុនខ្មែរ លន បញ្ញា នៅក្នុងកម្មវិធី គ្រុឌគុនខ្មែរ នាចុងសប្តាហ៍នេះ ។ យ៉ាងណាមិញ បច្ចុប្បន្ននៅមិនទាន់មានការប្រកួតជាផ្លូវការណ៍អំពីការប្រកួតមួយនេះនៅឡើយ ដោយរង់ចាំការប្រកាសជាផ្លូវការណ៍៕អត្ថបទកំពុងចាប់អារម្មណ៍៖ Tottenham ទទួលយកការដេញថ្លៃ ៦០លានផោន ប្រសិនក្លឹបណាចង់បានតារាឆ្នើមរូបនេះ សូម Subscribe Telegram របស់ Cambosport ដើម្បីទទួលបានព័ត៌មានឆាប់រហ័ស
