(អាល្លឺម៉ង់)៖ ក្លឹបយក្ស Bayern Munich ត្រូវបានគេរាយការណ៍ថា កំពុងកំណត់គោលដៅកំពូលរបស់ពួកគេ ក្នុងការចុះហត្ថលេខាលើខ្សែការពារស្លាប Theo Hernandez របស់ក្លឹបយក្សអ៊ីតាលី AC Milan ដើម្បីទុកសម្រាប់ជំនួសកន្លែង Alphonso Davies នៅរដូវក្តៅ។ ទន្ទឹមនឹងនេះផងដែរ Davies ទំនងជានឹងចាកចេញពីកីឡដ្ឋាន Allianz Arena ខណៈការចរចាកុងត្រាត្រូវជាប់គាំងរវាងកីឡាករជាមួយនឹងក្លឹប។
ជាក់ស្តែង កិច្ចព្រមព្រៀងបច្ចុប្បន្នរបស់កីឡាករសញ្ជាតិកាណាដា នឹងអស់សុពលភាពក្នុងរយៈពេល ១៨ខែ ចំពេលថ្មីៗនេះ ក្រុមអធិរាជស Real Madrid គឺជាក្រុមនាំមុខគេក្នុងការដេញថ្លៃចុះហត្ថលេខាផ្ទេររូបគេទៅកាន់ទឹកដីអេស៉្បាញ។ យោងតាមសារព័ត៌មាន Sky Sport អាឡឺម៉ង់ បានអះអាងថា Davies កំពុងស្នើសុំកិច្ចសន្យាដែលមានតម្លៃ ២០លានអឺរ៉ូ ក្នុង១ឆ្នាំ ដែលជាអ្វីដែល Bayern មិនព្រមផ្តល់ជូន ដូច្នេះនេះក៏ជាហេតុផងមួយផងដែរ។
គួរកត់សម្គាល់ថា ពួកគេទាំង២ មានភាពល្បីល្បាញប្រហាក់ប្រហែលគ្នា ដោយសារសមត្ថភាពស៊ុតបញ្ចូលទី និងការឱកាសបង្កើតឱកាស រួមទាំងល្បឿន ព្រមទាំងការវាយឆ្មក់លឿនៗផងដែរ។ គួរបញ្ជាក់ដែរថា Bayern នឹងផ្តល់ប្រាក់ដេញថ្លៃពី ៦០ ទៅ ៧០ លានអឺរ៉ូ ដើម្បីទាក់ទាញឲ្យក្លឹប AC Milan ព្រមលក់៕
ប្រភព៖ SportsMole
