(អង់គ្លេស)៖ ក្លឹបតោខៀវ Chelsea ត្រូវបានគេរាយការណ៍ថា កំពុងចាប់អារម្មណ៍ក្នុងការចុះហត្ថលេខាលើខ្សែប្រយុទ្ធ Victor Boniface របស់ក្លឹប Bayer Leverkusen ក្នុងអំឡុងពេលទីផ្សារដោះដូរកីឡាកររដូវក្តៅ នេះបើយោងតាមសារព័ត៌មាន Fichajes បានចុះផ្សាយកាលពីម្សិលមិញ។ ជាមួយគ្នានេះដែរ កីឡាករវ័យ ២៣ឆ្នាំ បានបង្ហាញឱ្យឃើញពីសមត្ថភាពរបស់ខ្លួនទៅកាន់គ្រូបង្វឹកលោក Xabi Alonso ចាប់តាំងពីបានផ្លាស់ទៅប្រទេសអាឡឺម៉ង់ ក្នុងខែកក្កដា ឆ្នាំ២០២៣ កន្លងទៅ។
គួរកត់សម្គាល់ថា Boniface ស៊ុតបញ្ចូលទីបាន ១០គ្រាប់ និងបានបញ្ជូនបាល់ឱ្យមិត្តរួមក្រុមចំនួន ៧ដង ក្នុងការប្រកួតនៅលីគ Bundesliga ចំនួន ១៦លើក ខណៈស៊ុតបញ្ចូលទីបាន ១៦គ្រាប់ នៅគ្រប់ការប្រកួតទាំងអស់។ បន្ថែមពីនេះ ក្នុងនាមជាខ្សែប្រយុទ្ធ និងជាផ្នែកដ៏សំខាន់មួយ សម្រាប់ក្រុម Leverkusen ដែលបច្ចុប្បន្នមិនទាន់ស្គាល់ពាក្យថាចាញ់ និងកំពុងឈរនៅកំពូលតារាង ពីក្លឹបយក្ស Bayern Munich ផងដែរ។
គួរជម្រាបផងដែរថា ក្លឹប Leverkusen បានដាក់តម្លៃខ្លួនផ្ទេរ Boniface ប្រមាណ ៤០លានអឺរ៉ូ ដោយកីឡាករសញ្ជាតិនីហ្សេរីយ៉ា បានទាក់ទាញចំណាប់អារម្មណ៍ពីក្លឹបជាច្រើនក្នុងអំឡុងពេលយុទ្ធនាការដំបូងរបស់គាត់ក្នុងបាល់ទាត់អាល្លឺម៉ង់។ ជាមួយនឹងកិច្ចសន្យាបច្ចុប្បន្នរបស់ Boniface នឹងត្រូវផុតកំណត់នៅរដូវក្តៅឆ្នាំ២០២៨ ឯណោះជាមួយក្រុមរបស់លោក Alonso៕
ប្រភព៖ SportsMole
ក្រុមហង្សក្រហម Liverpool បានច្រានចោលសំណើពីសំណាក់ក្លឹបជើងឯក La Liga គឺអ្នកមានបុណ្យ Barcelona ក្នុងការផ្ទេរយកខ្សែប្រយុទ្ធ Luis Diazមកកាន់ទឹកដីអេស្បាញ។យោ BBC Sport បានចុះផ្សាយថាកីឡាករអន្តរជាតិកូឡុំប៊ី Diaz ជាសមាជិកសំខាន់ក្នុងការជួយជ្រោមជ្រែងអោយ Liverpool ឈ្នះពាន Premier League កាលពីរដូវកាលមុន ត្រូវបានក្រុមលោក Arne Slot បញ្ជាក់ថាមិនមែនសម្រាប់លក់ទេ ស្របពេលកីឡាករវ័យ ២៨ ឆ្នាំបានចូលរួមជាមួយ Liverpool ពីក្លឹប Porto ក្នុងខែមករា ឆ្នាំ ២០២២ និងមានកិច្ចសន្យាជាមួយក្លឹបរហូតដល់ឆ្នាំ ២០២៧ ។អត្ថបទកំពុងចាប់អារម្មណ៍៖ Liverpool ប្រកាសក្តែងៗថាកីឡាកររូបនេះមិនមែនសម្រាប់លក់ទេ(មាន១វីដេអូ) សូម Subscribe Telegram របស់ Cambosport ដើម្បីទទួលបានព័ត៌មានឆាប់រហ័ស Diaz ស៊ុតបញ្ចូលទីបាន 13 គ្រាប់ និងAssist ៧ ដងនៅក្នុងលីក ខណៈ Liverpool ឈ្នះជើងឯកដោយ 10 […]
