(អង់គ្លេស)៖ ក្លឹបបិសាចក្រហម Manchester United ត្រូវបានគេរាយការណ៍ថា បានកំណត់តម្លៃ ៤៣លានផោន សម្រាប់ខ្សែបម្រើស្លាប Antony នៅមុនទីផ្សារដោះដូរកីឡាកររដូវក្តៅមកដល់។ គួររំលឹកផងដែរថា កីឡាករវ័យ ២៣ឆ្នាំ បានផ្លាស់ទៅកាន់ Old Trafford ពីក្លឹបយក្សនៅ Eredivisie គឺក្រុម Ajax ក្នុងកំឡុងរដូវក្តៅឆ្នាំ២០២២ លើកិច្ចព្រមព្រៀងតម្លៃ ៨៦លានផោន។

សូម Subscribe Telegram របស់ Cambosport ដើម្បីទទួលបានព័ត៌មានឆាប់រហ័ស

គួរកត់សម្គាល់ថា Antony កំពុងទទួលបានការរិះគន់ពីសំណាក់អ្នកគាំទ្រយ៉ាងខ្លាំង ជុំវិញការបង្ហាញទម្រង់លេងរបស់រូបគេ នារដូវកាលនេះ ដោយរកបានតែ ១គ្រាប់ ប៉ុណ្ណោះនៅការប្រកួតជុំទី ៤ នៃពានរង្វាន់ FA Cup។ យោងតាមសារព័ត៌មាន ​​Fichajes បានឲ្យដឹងថា Man Utd មានឆន្ទៈក្នុងការលក់ Antony នៅមុនយុទ្ធនាការឆ្នាំ ២០២៤-២៥ ដែលស្ថិតក្នុងកម្មសិទ្ធិគ្រប់គ្រងរបស់ចៅហ្វាយ INEOS លោក Sir Jim Ratcliffe៕

ប្រភព៖ SportsMole