(អង់គ្លេស)៖ គ្រូបង្វឹកក្រុម Arsenal លោក Mikel Arteta បាននិយាយថា ក្លឹបរបស់គាត់ត្រូវតែ «ស្ថិតក្នុងការចរចារ» ដើម្បីចុះហត្ថលេខាលើ Kylian Mbappe នៅរដូវក្តៅនេះ ក្រោយសាមីខ្លួន បានបញ្ជាក់ប្រាប់ក្លឹបថា នឹងចាកចេញពី Paris Saint-Germain នៅចុងបញ្ចប់នៃរដូវកាលនេះ។

ទោះបីជាយ៉ាងណាក៏ដោយ ក្លឹបអធិរាជស Real Madrid គឺជាក្លឹបតែ១គត់ ដែលត្រូវបានអ្នកស្នេហាវិស័យកីឡាបាល់ទាត់ជុំវិញពិភពលោក ជឿថាអាចនឹងចុះហត្ថលេខានាំយកខ្សែប្រយុទ្ធបារាំងដ៏មានសក្តានុពលរូបនេះមករួមទ្រនំ ព្រោះពួកគេបានតាមប្រមាញ់ជាយូរណាស់មកហើយ តែមិនបានសម្រេច។

គួរកត់សម្គាល់ថា ប្រសិនបើ Arsenal ប្រជែងលើ Mbappe ជាមួយ Real Madrid បរាជ័យ នោះក្លឹបនឹងងចុះហត្ថលេខាលើខ្សែប្រយុទ្ធថ្មី Ivan Toney របស់ក្រុម Brentford ជាគោលដៅទី២៕

ប្រភព៖ SportsMole