ទោះបីជាមិនទាន់ឈ្នះពានលំដាប់ក្លឹបជាលើកដំបូងក្នុងអាជីពក្តី ប៉ុន្តែ Harry Kane បានចាប់ផ្តើមអាជីព ដ៏អស្ចារ្យ Harry Kane នៅទឹកដី Allianz Arena របស់ក្រុម Bayern Munich ខណៈយោងតាមការចុះផ្សាយរបស់ BBC Sport បានដកស្រង់សម្តីកាពីតែនក្រុមជម្រើសជាតិអង់គ្លេសនិយាយទៅកាន់អ្នកគាំទ្រក្លឹបយក្សអាល្លឺម៉ង់ក្នុងសប្តាហ៍នេះ វាហាក់ដូចជាសបញ្ជាក់ថាពួកគេបានស្វែងរកឃើញ ខ្សែប្រយុទ្ធដ៏អស្ចារ្យមកស្នងតំណែងកីឡាករឆ្នើមជំនាន់មុនរួចទៅហើយ។
ការរំពឹងទុកក្នុងដំណើរផ្សេងព្រេងរបស់ Kane បានចាប់ផ្តើមបង្កើតកំនត់ត្រាថ្មីៗ និង ក៏បានលេចចេញជាពន្លឺភ្លឺថ្លាបន្តិចម្តងៗចាប់តាំងពីផ្ទេរពី Tottenham កាលពីខែសីហាឆ្នាំមុន ប្រធានក្រុមអង់គ្លេសបានស៊ុតបញ្ចូលទីបាន ២៨ គ្រាប់ និងបញ្ជូនបាល់ឱ្យមិត្តរួមក្រុមបញ្ចប់ទីចំនួន ៨លើករួចមកហើយក្រោយប្រកួតបានត្រឹមតែ២៧លើកនៅគ្រប់ក្របខណ្ឌប្រកួតប៉ុណ្ណោះ។ ។
ក្នុងចំណោមគ្រាប់បាល់ទាំងនោះ ២៤គ្រាប់រកបាននៅក្របខណ្ឌ Bundesliga ដែលជាគ្រាប់បាល់ស៊ុតបញ្ចូលទីនាំមុខគេ ក្នុងការបង្ហាញខ្លួន ២០ លើកដំបូងក្នុងលីក ជាមួយនិងការបង្កើតកំនត់ត្រា ជាកីឡាករដំបូងគេដែលស៊ុតបញ្ចូលទីបាន Hat-trick ក្នុងការបង្ហាញខ្លួនលើកដំបូងនៅជំនួបព្រឹត្តការណ៏ Der Klassiker សម្រាប់ការប្រកួតរវាង Bayern Munich និងក្រុមគូប្រជែង ដ៏ជូរចត់គឺ Borussia Dortmund តែម្តង។
មានន័យថា Kane វ័យ ៣០ ឆ្នាំ ត្រូវការគ្រាប់បាល់តែ ១៨ គ្រាប់ទៀតប៉ុណ្ណោះ សម្រាប់ ១៤ប្រកួតដែលនៅសល់ ដើម្បីបំបែកកំនត់ត្រា Bundesliga ដែលរកបាន៤១ គ្រាប់ក្នុង១រដូវកាល របស់ខ្សែប្រយុទ្ធប៉ូឡូញ Lewandowski ។
Kane បានប្រាប់ BBC Sport យ៉ាងដូច្នេះថា:ខ្ញុំតែងតែមានមោទនភាពយ៉ាងខ្លាំងដែលមានកំណត់ត្រាបែបនេះ។ វាមិនមែនជាអ្វីដែលខ្ញុំគ្រោងនឹងធ្វើនៅពេលចាប់ផ្តើមនោះទេ ប៉ុន្តែនៅពេលដែលអ្នកឮអំពីពួកគេ ហើយនៅពេលដែលមនុស្សនិយាយអំពីពួកគេ វាមានន័យថាអ្នកកំពុងធ្វើអ្វីមួយបានយ៉ាងល្អ។ប្រសិនបើអ្នកបានប្រាប់ខ្ញុំថា ខ្ញុំនឹងធ្វើវានៅដើមឆ្នាំ ពិតណាស់ខ្ញុំបានធ្វើវាដូច្នេះខ្ញុំពិតជាសប្បាយចិត្តណាស់ពីអារម្មណ៍នោះ ប៉ុន្តែដូចរាល់ដងយើងព្យាយាមជំរុញ និងព្យាយាម ហើយមើលថាតើយើងអាចទៅដល់កម្រិតណា។
វីដេអូ:
បរទេសៈ ខ្សែប្រយុទ្ធសញ្ជាតិព័រទុយហ្គាល់ Cristiano Ronaldo បានសម្រេចចិត្តបដិសេធឱកាសចូលរួមជាមួយនឹងក្រុមក្លឹបប្រេសុីលគឺ Fluminense ដែលត្រៀមសម្រាប់ការប្រកួត FIFA Club World Cup 2025 ។ ក្លឹប Fluminense បានទទួលកៅអី ក្រោយជ័យជម្នះក្នុងពានរង្វាន់ Copa Libertadores 2023 នឹងបានធ្វើការទាក់ទងទៅកាន់ភ្នាក់ងារផ្ទាល់ខ្លួនរបស់ Cr7 លោក Jorge Mendes ដើម្បីជជែកអំពីលទ្ធភាពក្នុងការផ្ទេររយៈពេលខ្លីណាមួយ ។ ទោះបីជាយ៉ាងណាមិញ លោក Mendes បានបង្ហើបថា Ronaldo ហាក់មិនចាប់អារម្មណ៍នឹងសំណើរមួយនេះឡើយ ។អត្ថបទកំពុងចាប់អារម្មណ៍៖ ស្ងាត់ៗ Pogba ទទួលបានសំណើរពីក្លឹបមួយដែលមានកៅអីលេង UCL រដូវកាលក្រោយ សូម Subscribe Telegram របស់ Cambosport ដើម្បីទទួលបានព័ត៌មានឆាប់រហ័ស ជាមួយនឹង Al-Nassr បរាជ័យក្នុងការដណ្តើមកៅអីលេងនៅ FIFA Club World Cup ធ្វើឲ្យអនាគតបច្ចុប្បន្នរបស់ Ronaldo ស្ថិតក្នុងភាពស្រពិចស្រពិល។ […]
