បរទេស៖ Newcastle United និង Paris Saint-Germain បានទទួលការជំរុញក្នុងការតាមប្រមាញ់ខ្សែប្រយុទ្ធ Rafael Leao របស់ AC Milan នេះបើយោងតាមរបាយការណ៍មួយ។ ក្លឹបទាំងពីរត្រូវបានគេជឿថា មានបំណងចង់ពង្រឹងនូវតំនប់វាយប្រហាររបស់ពួកគេនៅមុនយុទ្ធនាការ 2024-25 ហើយថ្មីៗនេះ Leao បានក្លាយជាគោលដៅសំខាន់មួយក្នុងរដូវក្តៅរបស់ពួកគេ។ Leao បានក្លាយជាកីឡាករឆ្នើមសម្រាប់ Milan ចាប់តាំងពីចូលរួមជាមួយក្លឹបពី Lille ក្នុងខែសីហា ឆ្នាំ 2019 ដោយស៊ុតបញ្ចូលទីបាន 49 គ្រាប់ និងផ្តល់ជំនួយចំនួន 44 ក្នុងការបង្ហាញខ្លួន 190 ដងនៅគ្រប់ការប្រកួតទាំងអស់។

កីឡាករអន្តរជាតិព័រទុយហ្គាល់បានកត់ត្រាគ្រាប់បាល់ចំនួន 11 គ្រាប់ និង 10 Assists ក្នុង 34 ប្រកួតក្នុងក្របខ័ណ្ឌ Serie A ដើម្បីជួយ Milan ឈ្នះពានរង្វាន់ 2021-22 ហើយគាត់ត្រូវបានគេដាក់ឈ្មោះជាកីឡាករឆ្នើមប្រចាំឆ្នាំរបស់លីក។ បន្ទាប់មក Leao បានចូលរួមចំណែកដោយស៊ុតបញ្ចូលទីបាន 16 គ្រាប់ និង assist 15 ដងក្នុងការបង្ហាញខ្លួន 48 លើកកាលពីរដូវកាលមុន ខណៈដែល AC Milan បានបញ្ចប់ក្នុងចំណាត់ថ្នាក់លេខ 4 ក្នុងក្របខ័ណ្ឌ Serie A ក៏ដូចជាបានឈានដល់វគ្គពាក់កណ្តាលផ្តាច់ព្រ័ត្រនៃក្របខ័ណ្ឌ Champions League ហើយចាប់តាំងពីពេលនោះមកគាត់បានស៊ុតបញ្ចូលទីបាន 6 គ្រាប់ និង assists 8 ដងក្នុង 26 ប្រកួតនៅក្នុង យុទ្ធនាការបច្ចុប្បន្ន។ កាលពីរដូវក្តៅមុន កីឡាករលេខ 10 របស់ Milan រូបនេះហាក់ដូចជាបញ្ចប់ការរំពឹងទុកជុំវិញការចាកចេញដ៏មានសក្តានុពលពីក្លឹប នៅពេលដែលគាត់បានប្តេជ្ញាអនាគតរបស់គាត់ជាមួយក្លឹបយក្សអ៊ីតាលីដោយចុះហត្ថលេខាលើកិច្ចសន្យាថ្មីរយៈពេល 5 ឆ្នាំរហូតដល់រដូវក្តៅឆ្នាំ 2028 ។

ទោះជាយ៉ាងណាក៏ដោយយោងទៅតាម Foot Mercato បានចុះផ្សាយថា ឥឡូវនេះ Leao មានអារម្មណ៍ថា គាត់បានឈានដល់ “ចុងបញ្ចប់នៃវដ្ត” នៅ Milan ហើយនឹងបើកចំហសម្រាប់ការចាកចេញពី San Siro នៅរដូវក្តៅនេះ។ Newcastle ហាក់ដូចជាមានប្រៀបលើ PSG ក្នុងការប្រជែងយកហត្ថលេខារបស់ Leao ខណៈដែលរបាយការណ៍បន្ថែមថា ខ្សែប្រយុទ្ធកំពុងកំណត់គោលដៅផ្លាស់ប្តូរទៅកាន់ Premier League ឬ La Liga ជាជាងការត្រលប់ទៅ Ligue 1 វិញ។ ទោះបីជាយ៉ាងណាក៏ដោយ វាត្រូវបានគេអះអាងថា PSG អាចល្បួង Leao ជាមួយនឹងកញ្ចប់ហិរញ្ញវត្ថុដ៏ច្រើន ជាពិសេសប្រសិនបើ Kylian Mbappe ដែលទាក់ទងក្លឹប Real Madrid នឹងចាកចេញនៅរដូវក្តៅនេះ អ្វីដែល Newcastle អាចនឹងពិបាកក្នុងការប្រកួតប្រជែងជាមួយនឹងការលំបាកផ្នែកហិរញ្ញវត្ថុរបស់ពួកគេ៕