(អង់គ្លេស)៖ របាយការណ៍ថ្មីៗនេះពី Fichajes បានឲ្យដឹងថា ក្លឹបមាន់ខ្នាយមាស Tottenham Hotspur គឺជាក្លឹបចុងក្រោយគេ ដែលបង្ហាញចំណាប់អារម្មណ៍ក្នុងការចុះហត្ថលេខាលើខ្សែប្រយុទ្ធព័រទុយហ្កាល់ Joao Felix ដែលកំពុងស្នាក់អាស្រ័យនៅក្លឹបអ្នកមានបុណ្យ Barcelona ជាកីឡាករខ្ចីជើងពីក្រុម Atletico Madrid សម្រាប់យុទ្ធនាការ ២០២៣-២៤។
ជាក់ស្តែង Felix បានចាប់ផ្តើមជាមួយក្រុមដំបូងជាទៀងទាត់ ក្រោមការដឹកនាំរបស់គ្រូបង្វឹកលោក Xavi ហើយបានរួមចំណែករកគ្រាប់បាល់បាន ៧គ្រាប់ និង assists ៥ដង ក្នុងការបង្ហាញខ្លួន ២៨លើក នៅគ្រប់ការប្រកួតទាំងអស់នារដូវកាលនេះ។ ទោះជាយ៉ាងណាក៏ដោយ Felix បានទទួលរងនូវការធ្លាក់ចុះទម្រង់លេងក្នុងប៉ុន្មានសប្តាហ៍ថ្មីៗនេះ ហើយរបាយការណ៍មួយបានអះអាងថាសមាជិកនៃក្រុមគ្រូបង្វឹករបស់ Barca មានការងឿងឆ្ងល់អំពីថា តើក្លឹបគួរតែបន្តកិច្ចព្រមព្រៀងជាអចិន្ត្រៃយ៍សម្រាប់ខ្សែប្រយុទ្ធរូបនេះនៅរដូវក្តៅ ឬយ៉ាងណានោះ។
យ៉ាងណាមិញ ប្រធានក្លឹបកាតាឡាន លោក Joan Laporta បានបង្ហើបថាក្លឹបចង់ចុះហត្ថលេខាជាអចិន្ត្រៃយ៍ Felix ដែលបានបង្ហាញពីបំណងចង់ឲ្យកីឡាករវ័យ ២៤ បន្តស្នាក់នៅ Camp Nou ។ គួរកត់សម្គាល់ថា Spurs កំពុងត្រូវការខ្សែប្រយុទ្ធមុតស្រួចមកពង្រឹងក្រុមបន្ថែម ចាប់តាំងពី Harry Kane បានចាកចេញពីក្លឹបទៅចូលរួមជាមួយ Bayern Munich កាលពីរដូវក្ដៅមុន៕
ប្រភព៖ SportsMole
(អង់គ្លេស)៖ អ្នកសារព័ត៌មានលើការផ្ទេរកីឡាករដ៏ល្បីឈ្មោះលោក Fabrizio Romano ថាម្ចាស់ជើងឯក UCL ១៤សម័យ Real Madrid គឺកំពុងតាមដានយ៉ាងដិតដល់ពីការចង់បាន Alexander-Arnold ដែលនឹងធ្វើឱ្យរូបគេក្លាយជាគោលដៅកំពូល។ មិនតែប៉ុណ្ណេាះ កាលពីថ្ងៃព្រហស្បតិ៍ម្សិលមិញ កាសែតអេស្ប៉ាញ MARCA បានចុះផ្សាយព័ត៌មានទាក់ទងនឹង Arnold ដាក់នៅទំព័រមុខតែម្តង។អត្ថបទកំពុងចាប់អារម្មណ៍៖ ពេញលេងហើយ! តារាឆ្នើម Liverpool រូបនេះ នៅតែស្ថិតក្នុងបញ្ជីទិញកំពូលរបស់ Real Madrid សូម Subscribe Telegram របស់ Cambosport ដើម្បីទទួលបានព័ត៌មានឆាប់រហ័ស យោងតាម Sport Witness បានអះអាងថា រូបគេ [Arnold] នឹងមិនបន្តការស្នាក់នៅជាមួយហង្សក្រហម Liverpool ទៀតនោះឡើយ ខណៈដែលកិច្ចសន្យានឹងផុតកំណត់នៅចុងរដូវកាលនេះ។ គួរជម្រាបដែរថា ការចង់បានខ្សែការពារស្លាបដ៏ឆ្នើមវ័យ ២៦ឆ្នាំ កាន់តែខ្លាំងនោះ ក៏ព្រោះតែ Dani Carvajal ជួបបញ្ហារងបួសសសៃពួរ ACL រយៈពេលវែងក្នុងការជាសះស្បើយឡើងវិញ៕ ប្រភព៖ SPORTbible
