(អេស៉្បាញ)៖ ក្រោយលេចឮដំណឹងថា គ្រូបង្វឹកក្រុមហង្សក្រហម Liverpool លោក Jurgen Klopp បានប្រកាសចាកចេញពីក្លឹបនៅចុងបញ្ចប់នៃរដូវកាល។ ទន្ទឹមនឹងនេះ លោក Mikel Arteta ក៏កំពុងពិចារណាចាកចេញពីក្រុមកាំភ្លើងធំ Arsenal ដូចគ្នា។ ជាមួយគ្នានេះដែរ ក្លឹបអ្នកមានបុណ្យ Barcelona បានកំណត់គោលដៅផ្ទេរដ៏មានសក្កដានុពល ដោយចង់បានលោក Mikel Arteta ដើម្បីជំនួសគ្រូបង្វឹក Barcelona បច្ចុប្បន្នលោក Xavi ដែលរដូវកាលក្រោយរូបគាត់មិនមានវដ្តមានដឹកនាំក្លឹបនោះឡើយ។
សូម Subscribe Telegram របស់ Cambosport ដើម្បីទទួលបានព័ត៌មានឆាប់រហ័ស
រំលឹកដែរថា គ្រូបង្វឹកសញ្ជាតិអេស្ប៉ាញវ័យ ៤១ឆ្នាំ បានក្លាយជាគ្រូបង្វឹកក្រុម Arsenal ចាប់តាំងពីខែធ្នូ ឆ្នាំ២០១៩ ដោយបានដឹកនាំឈ្នះពានរង្វាន់ FA Cup ១ដង និងពានរង្វាន់ Community Shields ២ដង។ បន្ថែមពីនេះ លោក Mikel Arteta ធ្លាប់លេងនៅថ្នាលយុវជនរបស់ក្លឹប Barcelona ។ បើទោះជាយ៉ាងនេះក្តី Arsenal នៅមានការប្រកួតជាច្រើនទៀតក្នុងរដូវកាលនេះ ខណៈអ្នកគាំទ្របានបង្ហាញសោកសៅ ក្រោយបែកធ្លាយរបាយការណ៍នេះ៕
ប្រភព៖ SPORTBIBLE
