អតីតគ្រូជម្រើសជាតិអង់គ្លេស កំពុងតស៊ូនឹងជម្ងឺដ៏កាចសាហាវមួយនេះ

ទំហំអក្សរ

តូច

ធំ

(អង់គ្លេស)៖ អតីតគ្រូបង្វឹកអង់គ្លេសលោក Sven-Goran Eriksson ត្រូវបានក្រុមគ្រូពេទ្យធ្វើរោគវិនិច្ឆ័យរកឃើញថាមានជំងឺមហារីក។ គ្រូបង្វឹកសញ្ជាតិស៊ុយអែតវ័យ ៧៥ ឆ្នាំរូបនេះគឺជាគ្រូបង្វឹកបរទេសដំបូងគេដែលបានចាត់ការទូទៅប្រទេសអង់គ្លេស និងបានដឹកនាំក្រុមឡើងទៅដល់វគ្គ ១/៤ ផ្តាច់ព្រ័ត្រនៃពាន World Cup ឆ្នាំ ២០០២ និង ២០០៦ និងក្នុងពានអឺរ៉ូឆ្នាំ ២០០៤។

សូម Subscribe Telegram របស់ Cambosport ដើម្បីទទួលបានព័ត៌មានឆាប់រហ័ស

ទន្ទឹមនឹងនេះ លោក Eriksson បាននិយាយយ៉ាងសោកសៅប្រាប់វិទ្យុស៊ុយអែត P1 ថា «ខ្ញុំនឹងទប់ទល់តស៊ូនឹងជម្ងឺឱ្យបានយូរតាមអ្វីដែលអាចធ្វើទៅបាន ខ្ញុំកំពុងមានជំងឺយ៉ាងធ្ងន់ធ្ងរ»។ គួរជម្រាបដែរថា គាត់មានអាជីព ៤២ ឆ្នាំក្នុងការដឹកនាំ ហើយបានធ្វើរោគវិនិច្ឆ័យជំងឺមហារីករបស់គាត់កាលពីជិតមួយឆ្នាំមុន ដោយបានឈប់ពីតួនាទីថ្មីបំផុតជានាយកកីឡានៅក្លឹបស៊ុយអែត Karlstad អំឡុង ១១ ខែមុនដោយសារតែបញ្ហាសុខភាព៕