(អេស៉្បាញ)៖ របាយការណ៍ថ្មីៗ បានឲ្យដឹងថា ក្លឹបអធិរាជស Real Madrid បានដាក់ផែនការដើម្បីចុះហត្ថលេខាលើខ្សែការពារឆ្វេង Alphonso Davies របស់ក្លឹបយក្សនៅអាល្លឺម៉ង់ Bayern Munich។ ទន្ទឹមនឹងនោះ Real Madrid បានស្នើឱ្យកីឡាករ Davies កុំទាន់អាលចុះកុងត្រាថ្មីជាមួយ Bayern នេះបើយោងតាម ​​Sky Sports Germany ។ កីឡាករល្បឿនលឿនសញ្ជាតិកាណាដា គឺជាគោលដៅផ្ទេរដ៏សំខាន់ ខណៈកិច្ចសន្យាកុងត្រាជាមួយ Bayern នឹងត្រូវផុតកំណត់នៅចុងរដូវកាលនេះ។

សូម Subscribe Telegram របស់ Cambosport ដើម្បីទទួលបានព័ត៌មានឆាប់រហ័ស

គួរជម្រាបដែរថា Davies ស្ថិតក្នុងចំណោមខ្សែការពារឆ្វេងដ៏ល្អបំផុតក្នុងពិភពលោក ហើយបានបង្ហាញខ្លួន ១៧៦ដង ដោយស៊ុតបញ្ចូលទីបាន ៨គ្រាប់ និង Assists ២៨ដង។ លើសពីនេះ ម្ចាស់ជើងឯកអាល្លឺម៉ង់នៅតែចង់បន្តកុងត្រាថ្មីដល់រូបគេ ប៉ុន្តែកីឡាករវ័យ២៣ឆ្នាំរូបនេះ មិនទាន់មានការឆ្លើយតបនៅឡើយ។ មិនតែប៉ុណ្ណោះ ក្លឹបយក្ស La Liga កំពុងយកចិត្តទុកដាក់យ៉ាងខ្លាំងចំពោះស្ថានភាពមួយនេះ ខណៈពួកគេកំពុងធ្វើការបញ្ចុះបញ្ចូលឲ្យ Davies ចាកចេញពីកីឡដ្ឋាន Allianz Arena នៅចុងបញ្ចប់នៃរដូវកាលនេះ៕

ប្រភព៖ sportskeeda