(អង់គ្លេស)៖ បន្ទាប់ពីក្រុមបិសាចក្រហម Manchester United បញ្ចប់ក្នុងលទ្ធផលស្មើ ០-០ ទល់នឹងគូប្រជែងដ៏ជូរចត់របស់ពួកគេជាមួយក្រុមហង្សក្រហម Liverpool កាលពីអាទិត្យកន្លងទៅ ក្រុមបិសាចក្រហមបច្ចុប្បន្នកំពុងឈរនៅលេខរៀងទី៧ ដោយមាន ៦ ពិន្ទុតាមពីក្រោយក្រុម Manchester City ដែលកំពុងឈរនៅចំណាត់ថា្នក់ទី៤ បណ្តោះអាសន្នក្នុងលីគ មាន៣៤ពិន្ទុ ខណៈក្រុមកាំភ្លើងធំ Arsenal ឈរនៅកំពូលតារាង។ យ៉ាងណាមិញ កីឡាករឆ្នើមៗមានទេពកោសល្យមួយចំនួនធំដូចជា Jadon Sancho, Van de Beek, Casemiro, … , ទំនងនឹងត្រូវចាកចេញពីក្លឹបនៅខែមករាខាងមុខនេះ ដោយពួកគេស្ថិតនៅក្នុងបញ្ជីដោះដូរកីឡាករ ខណៈអ្នកចាត់ការទូទៅក្លឹបលោក Erik ten Hag ក៏មានេះពាក្យចចាមអារាមថា អ្នកកាន់កាប់ក្លឹបបិសាចក្រហមថ្មីលោក Sir Jim អាចនឹងបណ្តេញគាត់ឲ្យចុះចេញតំណែងផងដែរ។ ទោះជាយ៉ាងណាក៏ដោយ អ្នកគាំទ្រក្រុមបិសាចក្រហមនៅតែជឿជាក់យ៉ាងមុតមាំថា ក្លឹបនឹងស្តារមុខមាត់ឡើងវិញ ដោយបញ្ចប់យ៉ាងហោចណាស់ នៅចំណាត់ថា្នក់ទី៤ បើទោះជាយកមិនបានលើកពានក៏ដោយចុះ៕

ប្រភព៖ sportbible