(អេស៉្បាញ)៖ ខ្សែបម្រើជម្រើសជាតិអង់គ្លេស Jude Bellingham តែតបាល់បញ្ចូលទីបានយ៉ាងល្អពីការបោះបាល់ដោយ Luka Modric ហើយវាគ្រាប់បាល់ទី ១៣ ក្នុងលីគរដូវកាលនេះ ១គ្រាប់នេះធ្វើឱ្យក្រុម Real Madrid នាំមុខ Villarreal នៅនាទីទី ២៥។ បន្ទាប់មកនៅនាទីទី៣៧ ខ្សែប្រយុទ្ធស្លាប Rodrygo បានស៊ុតគ្រាប់ទី២ សម្រាប់ Real ក្រោយចូលដល់តង់ទី២ កីឡាករ Morales របស់ Villarreal ស៊ុតតាមបាន១គ្រាប់វិញ រំលងបាន១០នាទី ខ្សែប្រយុទ្ធវ័យ២៤ឆ្នាំ Brahim Díaz បានប្រើបច្ចេកទេសអូសកិបដាច់ខ្សែការពារស៊ុតគ្រាប់ទី៣ បានយ៉ាងល្អអស្ចារ្យ។ មិនតែប៉ុណ្ណោះ ត្រឹម៤នាទីក្រោយមក ខ្សែបម្រើចាស់វស្សា Luka Modric ស៊ុតគ្រាប់ទី៤ ខណៈការប្រកួតបញ្ចប់ក្នុងលទ្ធផល ៤ទល់នឹង១ ដោយ Real Madrid ឡើងមកឈរកំពូលតារាង LaLiga សារជាថ្មី មាន៤២ពិន្ទុ ដែលវ៉ាដាច់ក្រុមលេខ២ Girona តែ១ពិន្ទុប៉ុណ្ណោះ៕

សូម Subscribe Telegram របស់ Cambosport ដើម្បីទទួលបានព័ត៌មានឆាប់រហ័ស

សូមទស្សនានូវវីដអូ Highlights ខាងក្រោម៖