(បរទេស)៖ អតីតខ្សែបម្រើស្លាបរបស់ក្រុមតោខៀវ Chelsea កីឡាករ Eden Hazard បានប្រកាសចូលនិវត្តន៍ពីបាល់ទាត់ ក្នុងអាយុ ៣២ឆ្នាំ។ រំលឹកដែរថា Hazard បានចូលរួមជាមួយ Real Madrid ពី Chelsea ក្នុងឆ្នាំ ២០១៩ ក្នុងតម្លៃ ៨៩លានផោន ប៉ុន្តែលេងបានត្រឹមតែ ៥៤ប្រកួតសម្រាប់ក្លឹបយក្សអេស្ប៉ាញ ហើយក៏បានចាកចេញពីក្លឹបនៅចុងរដូវកាលមុន។ គាត់បានឈ្នះពានរង្វាន់ Premier League ចំនួន ២លើក ក្នុងអំឡុងពេលគាត់ស្នាក់នៅ Stamford Bridge ជាមួយ Chelsea។ Hazard បាននិយាយថា៖
- «អ្នកត្រូវតែស្តាប់ខ្លួនឯង ហើយនិយាយថាឈប់នៅពេលដ៏ត្រឹមត្រូវនេះ»។
- «បន្ទាប់ពី ១៦ឆ្នាំ និងលេងច្រើនជាង ៧០០ប្រកួត ខ្ញុំបានសម្រេចចិត្តបញ្ចប់អាជីពរបស់ខ្ញុំជាកីឡាករបាល់ទាត់»។
ទន្ទឹមនឹងនេះ គាត់ក៏ជាកីឡាករម្នាក់ក្នុងចំណោមកីឡាករតែ ៤ នាក់ប៉ុណ្ណោះក្នុងប្រវត្តិសាស្ត្រ Premier League រួមជាមួយនឹង Thierry Henry, Matt Le Tissier និង Eric Cantona ដែលអាចស៊ុតបញ្ចូលទីបាន ១៥គ្រាប់ ឬច្រើនជាងនេះ ក្នុងមួយរដូវកាល។
ជម្រាបដែរថា Hazard កាលពីនៅ Real Madrid គាត់បានឈ្នះ UEFA Champions League, Club World Cup, European Super Cup, La Liga ២លើក, Copa del Rey ១លើក និង Spanish Super Cup ២ដង ប៉ុន្តែពេលវេលារបស់គាត់នៅក្នុងប្រទេសអេស្បាញត្រូវបានគេចាត់ទុកថាជាការខកចិត្តយ៉ាងខ្លាំង ដោយគាត់បានស៊ុតបញ្ចូលទីបានតែ ៧គ្រាប់ប៉ុណ្ណោះក្នុងការបង្ហាញខ្លួន ៧៦ដងនៅក្នុងការប្រកួតទាំងអស់។ បន្ថែមពីនេះ Hazard បានចាប់ផ្តើមអាជីពរបស់គាត់ជាមួយក្លឹបបារាំង Lille ដោយស៊ុតបញ្ចូលទីបាន ៥០គ្រាប់ក្នុងការបង្ហាញខ្លួន ១៤៩ដង និងបានជួយក្លឹបឱ្យឈ្នះពានរង្វាន់ក្នុងស្រុក ២ដងនៃលីគ Ligue 1 និង Coupe de France ក្នុងឆ្នាំ ២០១០-១១ ។ យ៉ាងណាមិញ Hazard ស៊ុតបញ្ចូលទីបាន ១១០គ្រាប់ក្នុងការបង្ហាញខ្លួន ៣៥២លើកសម្រាប់ក្លឹបតោខៀវ Chelsea រួមទាំងបានឈ្នះក្នុងការប្រកួតវគ្គផ្តាច់ព្រ័ត្រ Europa League ក្នុងឆ្នាំ ២០១៩ ទល់នឹង Arsenal ដែលជាការបង្ហាញខ្លួនចុងក្រោយរបស់គាត់សម្រាប់ក្លឹប៕
ប្រភព៖ BBC ចុះផ្សាយថ្ងៃទី១០ ខែតុលា ឆ្នាំ២០២៣
គ្រូបង្វឹកក្រុមមេឃខៀវ Man. City លោក Pep Guardiola បានកំនត់គោលដៅលើកីឡាករ Rayan Ait-Nouri នៅក្នុងបញ្ជីផ្ទេរដ៍មានសក្តានុពលរបស់គាត់ ដើម្បីដោះស្រាយបញ្ហាវិបត្តិខ្សែការពារឆ្វេងសម្រាប់ក្រុមរបស់គាត់។ គួរកត់សម្គាល់ថាMan Cityក្រុមបញ្ចប់ចំណាត់ថ្នាក់លេខ៣នៅរដូវកាលនេះ បានដំណើរការលេងដោយគ្មានកីឡាករលេងតួនាទីខ្សែការពារឆ្វេងពោលគឺចាប់តាំងពីការចាកចេញរបស់កីឡាករមានរឿងអាស្រូវផ្លូវភេទគឺកីឡាករអន្តរជាតិបារាំង Benjamin Mendy តាំងពីកំលុងខែសីហា ឆ្នាំ ២០២១មកម្លេះ។អត្ថបទកំពុងចាប់អារម្មណ៍៖ Man.City ចង់បានកីឡាករលេងតួនាទីការពារស្លាបឆ្វេងពីក្លឹបគូប្រជែង EPL (មាន១វីដេអូ) សូម Subscribe Telegram របស់ Cambosport ដើម្បីទទួលបានព័ត៌មានឆាប់រហ័ស មានអីតកីឡាករមួយចំនួនដូចជាOleksandr Zinchenko, Joao Cancelo និងបច្ចុប្បន្នគឺ Josko Gvardiolធ្លាប់បានដាក់អោយលេងតួនាទីមួយនេះ ប៉ុន្តែមិនទទួលបានភាពប្រាកដប្រជានោះទេ ស្របបពេលកីឡាករវ័យក្មេងនិងជាយុវជនថ្នាល Nico O’Reilly បានដើរតួនាទីចុងក្រោយកាលពីរដូវកាលមុន រួមទាំងការបរាជ័យវគ្គផ្តាច់ព្រ័ត្រពានរង្វាន់ FA Cup ផងដែរនោះ។អ្នកចាត់ការសញ្ជាតិអេស្បាញលោក Pep Guardiola បច្ចុប្បន្នកំពុងពន្លឿនចង់ដោះស្រាយបញ្ហាមួយនេះនៅរដូវក្តៅខណៈ Ait-Nouri របស់ Wolves គឺជាកីឡាករដែលរូបលោក ចង់បាន។ មិនទាន់មានកិច្ចព្រមព្រៀងណាមួយកើតឡើងនៅឡើយទេសម្រាប់កីឡាករអន្តរជាតិអាល់ហ្សេរីមានដើមកំណើតកើតនៅប្រទេសបារាំងវ័យ ២៣ឆ្នាំរូបនេះទេ […]
