គុនខ្មែរ៖ គ្រូបង្ហាត់អ្នកប្រដាល់វ័យក្មេង ពេជ្រ សម្បត្តិ គឺលោកពេជ្រ សុផាន បានបង្ហោះអំពីតម្លៃខ្លួនរបស់កូនសិស្សរបស់លោក ដោយមួយប្រកួតៗ របស់ពេជ្រ សម្បត្តិមានតម្លៃខ្លួនរហូត១៥០០ដុល្លាអាមេរិក ដែលវាជាតម្លៃមួយដ៏ខ្ពស់ និងសាកសមសម្រាប់អ្នកប្រដាល់គុនខ្មែរនាពេលបច្ចុប្បន្ន ជាមួយនឹងសមត្ថភាពរបស់ ពេជ្រ សម្បត្តិ ផងដែរ ។ លោកពេជ្រ សុផាន់ បានបង្ហោះសារមួយ ជាមួយនឹងវីដេអូ ថា៖ «សូមជំរាបសួរពុកម៉ែបងប្អូនដែលជាហ្វេន ពេជ្រ សម្បត្តិ ថ្ងៃនេះគ្រូ ពេជ្រ សុផាន់ សូមនិយាយពីតម្លៃខ្លួនរបស់គាត់.លោកប្រធានគ្រប់គ្រងប្រដាល់ប្រចាំស្ថានីយ៍ទូរទស្សន៍បាយ័ន បានឲ្យតម្លៃខ្លួន ពេជ្រ សម្បត្តិ ៦ លានរៀល រឺ ១៥០០$ ក្នុងមួយប្រកួត .ខ្ញុំបាទ ពេជ្រ សុផាន់ ជាគ្រូបង្វឹកសប្បាយរីយរាយយ៉ាងខ្លាំង ហើយនេះជាកំលាំងចិត្តដ៏ធំដល់ខ្ញុំក្នុងការបណ្ដុំធន់ធានថ្នាលប្រដាល់គុនខ្មែរ ដែលមានសមត្ថភាពអោយបានច្រើន ជាប្រភាគអ្នកប្រដាល់ ធន់ ស្វិត អា.វុ.ធធ្ងន់ អត្តចរិតល្អ សីលធម៌និងមានវិន័យគ្រប់គ្រាន់ក្នុងអាជិព ហើយជាគំរូដ៏ក្មេងជំនាន់ក្រោយ !»