(អេស៉្បាញ)៖ ចៅក្រមអេស្ប៉ាញមួយរូបត្រូវបានគេរាយការណ៍ថា បានចោទប្រកាន់ក្លឹបអ្នកមានបុណ្យ Barcelona ពីបទ «ស៊ីសំណូក» ហើយក្លឹបអាចត្រូវបានហាមឃាត់ពីការប្រកួត UEFA Champions League ប្រសិនបើត្រូវបានរកឃើញថាមានកំហុស។ ក្លឹប Catalan ត្រូវបានចោទប្រកាន់ពីបទសូកប៉ាន់ដោយចៅក្រម Joaquin Aguirre បើយោងតាមគេហទំព័រ El Debate របស់អេស្ប៉ាញ ជុំវិញការបង់ប្រាក់ទៅឱ្យអតីតអនុប្រធានគណៈកម្មាធិការបច្ចេកទេសអាជ្ញាកណ្តាល (CTA), Jose Maria Enriquez Negreira ក្នុងរយៈពេល១៧ឆ្នាំ។ ទន្ទឹមនឹងនេះ Barcelona ត្រូវបានគេចោទប្រកាន់ថា បានបង់ប្រាក់ចំនួន ៧.៩លានអឺរ៉ូ ដល់ក្រុមហ៊ុនដែលគ្រប់គ្រងដោយ Negreira ចន្លោះឆ្នាំ ២០០១ និង ២០១៨ រួមទាំងអំឡុងពេលបច្ចុប្បន្នដែលលោក Joan Laporta ជាប្រធានក្លឹប៕

ប្រភព៖ sportbible ចុះផ្សាយថ្ងៃទី២៨ ខែកញ្ញា ឆ្នាំ២០២៣