(អង់គ្លេស)៖ អតីតអ្នកចាំទី Arsenal កីឡាករ Josh Vickers របស់ក្លឹប Derby County បានថ្លែងអំណរគុណដល់ប្រពន្ធរបស់គាត់(Laura) បន្ទាប់ពីភរិយាគាត់បានទទួលមរណភាពដោយសារជំងឺមហារីកត្រឹមតែបីខែប៉ុណ្ណោះ បន្ទាប់ពីពួកគេរៀបការ។ អមដោយរូបភាពក្នុងថ្ងៃរៀបការរបស់ពួកគេក្នុងខែមិថុនា ដោយលោក Vickers បានសរសេរកាលពីព្រឹកថ្ងៃអាទិត្យថា៖
- «ខ្ញុំបានសរសេរសារនេះជាច្រើនលើកច្រើនសារ ខ្ញុំមិនអាចរកពាក្យមកនិយាយបានច្រើនឡើយ»។
- «កាលពីល្ងាចថ្ងៃអង្គារ ភរិយារបស់ខ្ញុំបានបាត់បង់នូវការតស៊ូប្រឆាំងនឹងជំងឺមហារីក»។
- «Laura គឺជាមនុស្សស្រីដែលរឹងមាំ ក្លាហានបំផុត និងជាមនុស្សដ៏គួរឲ្យស្រលាញ់បំផុតដែលខ្ញុំធ្លាប់ជួប ទោះបីជានាងឆ្លងកាត់អ្វីគ្រប់បែបយ៉ាងក៏ដោយ ក៏នាងនៅតែញញឹម មិនដែលបណ្តោយឲ្យអ្វីៗទៅដោយគ្មានអនុស្សាវរីយ៍ល្អឡើយ។ ពួកយើង យំ ឬសើច នៅពេលវេលាដ៏លំបាករួមគ្នា»។
- «ខ្ញុំស្រលាញ់រាល់ពេលដែលពួកយើងបានចំណាយពេលជាមួយគ្នា តាំងពីជួបគ្នាលើកដំបូង រហូតដល់ពេលដែលអ្នកចាកចេញពីខ្ញុំ។ ខ្ញុំដឹងថាអ្នកប្រហែលជាតាមមើលខ្ញុំ ហើយបន្តលើកទឹកចិត្តខ្ញុំជារៀងរាល់ថ្ងៃ»។
- «អរគុណអ្នកគ្រប់គ្នាដែលបានគាំទ្រខ្ញុំ និងគ្រួសារខ្ញុំឆ្លងកាត់ពេលវេលាដ៏លំបាកលំបិនមួយនេះ»។
- «ខ្ញុំពិតជាសំណាងណាស់ដែលមានគ្រួសារ និងមិត្តភ័ក្តិដ៏អស្ចារ្យបំផុត! ខ្ញុំស្រលាញ់អ្នកជានិច្ច និងជារៀងរហូត»៕
ប្រភព៖ mirror.co.uk និង sportbible.com
ចុះផ្សព្វផ្សាយថ្ងៃទី២៤ ខែកញ្ញា ឆ្នាំ២០២៣
FIFA បន្តដាក់បម្រាមប្រទេស៣ពីការចូលរួមក្នុងការប្រកួតបាល់ទាត់ពិភពលោកដោយសារតែការជ្រៀតជ្រែកផ្នែកនយោបាយ និងសិទ្ធិមនុស្ស។អត្ថបទកំពុងចាប់អារម្មណ៍៖ ៣ប្រទេសនៅតែជាប់បម្រាមមិនអាចចូលលេង World CUP 2026 សូម Subscribe Telegram របស់ Cambosport ដើម្បីទទួលបានព័ត៌មានឆាប់រហ័ស ប្រទេសរុស្ស៊ីនៅតែត្រូវបានផ្អាកបន្ទាប់ពីការលុកលុយឆ្នាំ 2022 របស់ខ្លួននៅអ៊ុយក្រែន។ ប្រទេសកេនយ៉ា និងហ្ស៊ីមបាវេត្រូវបានហាមឃាត់ដោយផ្អែកលើការជ្រៀតជ្រែករបស់រដ្ឋាភិបាលនៅក្នុងសហព័ន្ធបាល់ទាត់របស់ពួកគេ។ គួរបញ្ជាក់ថា នៅអាហ្វ្រិកខាងត្បូងត្រូវបានជាប់កាលពីមុនក្នុងអំឡុងពេល Apartheid ប៉ុន្តែក្រោយមកបានចូលធ្វើការវិញក្នុងឆ្នាំ 1992 ៕
