រថយន្តមួយគ្រឿងបានជិះបុកចូលវ៉ោងអ្នកគាំទ្រ Espanyol ក្នុងជំនួបទល់ Barca ខណៈបង្កឲ្យមានអ្នករងរបួសជាច្រើន (មានវីដេអូ)

ទំហំអក្សរ

តូច

ធំ

បរទេសៈ នៅថ្ងៃទី ១៥ ខែឧសភា ឆ្នាំ ២០២៥ មានហេតុការណ៍គួរឱ្យសោកស្តាយកើតឡើងខាងក្រៅកីឡដ្ឋាន RCDE មុនការប្រកួត Derby La Liga រវាងក្រុម Barcelona និង Espanyol។ រថយន្តម៉ាក Peugeot 208 ពណ៌សមួយ ដោយអ្នកបើកបរជាស្ត្រីវ័យប្រហែលចន្លោះពី ៤៥ ដល់ ៥៥ ឆ្នាំ បានបើកបុកចូលមកក្នុងក្រុមអ្នកគាំទ្រ បណ្តាលឱ្យមានអ្នករងរបួសចំនួន ១៣នាក់។

សូម Subscribe Telegram របស់ Cambosport ដើម្បីទទួលបានព័ត៌មានឆាប់រហ័ស

ក្នុងចំណោមអ្នករងរបួសនោះ មាន ៤នាក់ត្រូវបានដឹកទៅមន្ទីរពេទ្យភ្លាមៗ ហើយម្នាក់មានការរងរបួសធ្ងន់ដល់ខូចជើង ខណៈអ្នកដទៃទៀតរងរបួសស្រាល ហើយត្រូវបានព្យាបាលនៅនឹងទីតាំងតែម្តង។ ស្ត្រីបើកបរត្រូវបានឃាត់ខ្លួនភ្លាមៗ ពាក់ព័ន្ធនឹងការបើកបរបង្ករគ្រោះថ្នាក់ដល់អ្នកដទៃ និងបង្ករឲ្យមានការរងរបួស។ អាជ្ញាធរមានការសង្ស័យថា ហេតុការណ៍នេះអាចមានមូលហេតុមកពីការបាត់ម្ចាស់គ្រប់គ្រងរថយន្ត។

ក្រោយហេតុការណ៍បានធ្វើឲ្យការប្រកួតបានផ្អាកសិន ប៉ុន្តែត្រូវបានបន្តវិញបន្ទាប់ពីបញ្ជាការបានបញ្ជាក់ថា គ្មានគ្រោះថ្នាក់បន្ថែមទៀតចំពោះអ្នកទស្សនា ខណៈចប់ការប្រកួតក្រុម Barcelona បានឈ្នះ ២-០ ហើយគ្រងជើងឯក La Liga៕