(អេស៉្បាញ)៖ ក្លឹបកាតាឡាន់ FC Barcelona ក្រុមជើងឯករងលីគកំពូលអេស្ប៉ាញ La Liga រដូវកាលមុន ត្រូវការតែ ៣ពិន្ទុទៀតប៉ុណ្ណោះ ក្នុងចំណោម ៣ប្រកួតដែលនៅសល់រដូវកាលនេះ បន្ទាប់ពីយកឈ្នះគូសត្រូវស៊ីហុតឈាម Real Madrid ៤-៣ កាលពីរាត្រីថ្ងៃអាទិត្យ ប្រចាំសប្តាហ៍ទី៣៥ យប់មិញនេះ។

សូម Subscribe Telegram របស់ Cambosport ដើម្បីទទួលបានព័ត៌មានឆាប់រហ័ស

ទន្ទឹមនឹងនេះ ៣ពិន្ទុដ៏សំខាន់ក្នុងដីនេះផងដែរ បានញាំងឱ្យក្រុមរបស់លោក Hansi Flick រកបាន ៨២ពិន្ទុ ស្របពេលក្រុមការពារតំណែងជើងឯក Real Madrid ឈរលេខ២ មានតែ ៧៥ពិន្ទុ មុនពេលលេង ៣ប្រកួតទៀតបិទរដូវកាល Laliga ២០២៤/២៥។

គួរជម្រាបដែរថា ក្រុមអ្នកមានបុណ្យ Barcelona បានធ្វើការវាយបក ដើម្បីនាំមុខអធិរាជស Real Madrid ៤-២ បន្ទាប់ពីក្រុមរបស់លោក Carlo Ancelotti បើកការនាំមុខ ២គ្រាប់មុនត្រឹមវគ្គទី១ និងជាលើកទី៣ ផងដែរ ក្នុងចំណោមជួបគ្នា ៤ប្រកួតចុងក្រោយនៃជំនួប El Clasico។

ដោយឡែក Barcelona នឹងត្រូវឆ្លងជើងឯក La Liga ២០២៤/២៥ នៅរាត្រីថ្ងៃព្រហស្បតិ៍ក្នុងសប្តាហ៍នេះតែម្តង ប្រសិនបើពួកគេអាចយកឈ្នះ Espanyol ដើម្បីលើកពានលីគកំពូលអេស្ប៉ាញជាលើកទី២៨ ជាប្រវត្តិសាស្រ្តរបស់ពួកគេ ហើយ Real Madrid យកឈ្នះ Mallorca ក៏ឥតន័យដែរនៅរាត្រីថ្ងៃពុធ៕

ប្រភព៖ BBC