អ្នកចាត់ការទូទៅក្លឹប Atalanta លោក Gian Pero Gasperini បានប្រាប់ក្លឹប Serie A ថាគាត់នឹងមិនបន្តកិច្ចសន្យារបស់គាត់នៅពេលដែលវាផុតកំណត់នៅក្នុងខែមិថុនា ឆ្នាំ ២០២៦ខាងមុខនេះទេយោងតាម Soccernet បានចុះផ្សាយ ។អ្នកចាត់ការសញ្ជាតិអ៊ីតាលីបច្ចុប្បន្នមានវ័យ ៦៧ឆ្នាំលោក Gasperini តួនាទីរបស់គាត់បានជួបភាពមិនច្បាស់លាស់ ក្រោយពីក្រុមធ្លាក់ចេញពីក្របខ័ណ្ឌ Champions League ក្រោមថ្វីជើងក្លឹប Brugge ។
%20(1).jpg?auto=webp&format=pjpg&width=3840&quality=60)
ដោយចាញ់ការប្រកួតជើងទីមួយក្នុងលទ្ធផល ២-១ នៅប្រទេសបែលហ្ស៊ិក ក្រុម Atalanta បានបន្តរបូតគ្រាប់បាល់រហូតដល់ទៅ ៣គ្រាប់នៅជើងទី២បន្តទៀតត្រឹមនៅក្នុងតង់ទីមួយនៅចំពោះមុខអ្នកគាំទ្ររបស់ពួកគេ ។ទោះបីជារកបានគ្រាប់បាល់វាយបក១គ្រាប់របស់កីឡាករឆ្នើម Ademola Lookman ប៉ុន្តែរូបគេបែជាមិនអាចរកបានគ្រាប់បាល់ពីន័យ១១ម៉ែត្រទៅវិញ។ស្ថិតនៅក្នុងភាពមិនត្រជាក់ចិត្តអ្នកចាត់ការលោក Gasperini បានបន្តរិះគន់កូនក្រុមLookman រូបនេះថាជាកីឡាករដែលស៊ុតបាល់ប៉េណាល់ទីដ៏អាក្រក់បំផុតមិនធ្លាប់ជួប។ដូច្នេះហើយសម្តីមួយនេះត្រូវបានបណ្តាញសារពត៌មានដកស្រង់យកទៅចុះផ្សាយដែលធ្វើអោយ Lookman កីឡាករដើមកំណើតអង់គ្លេស ប៉ុន្តែមានសញ្ជាតិនីហ្សេរីយារូបនេះ មិនមានអារម្មណ៏កក់ក្តៅនិងសប្បាយចិត្តនោះទេ។
ទោះយ៉ាងណាក្លឹបបានព្យាយាមផ្សះផ្សារ និង សម្របសម្រួលរវាងសាម៉ីខ្លួនទាំងពីរប៉ុន្តែមិនបានទទួលលទ្ធផលនោះឡើយ។ បច្ចុប្បន្នលោក Gasperini ដែលមានប្រវត្តិដឹកនាំក្រុមតាំងពី ឆ្នាំ២០១៦ហាក់មិនបានបញ្ជាក់ពីចេតនាបន្តនៅជាក្លឹបក្រោយការអះអាងខាងលើនេះឡើយ។
ប្រភព:Dailypost&Wikipedia
វីដេអូ:
