បរទេសៈ បន្ទាប់ពីចូលកាន់តំណែងជាអ្នកចាត់ការក្រុម Besiktas លោក Ole Gunnar Solskjaer ត្រូវបានគេរាយការណ៍ថា បានផ្តល់អាទិភាពលើការចុះហត្ថលេខាលើអតីតកីឡាកររបស់ក្រុម Manchester United លោក Tom Lawrence ។
Solskjaer ដែលបានដឹកនាំ Lawrence ក្នុងអំឡុងពេលរបស់គាត់ជាអ្នកចាត់ការក្រុមបម្រុងរបស់ United មានបំណងនាំយកខ្សែប្រយុទ្ធវេលទៅកាន់ក្លឹបទួរគី ដែលស្ថិតក្រោមការដឹកនាំរបស់លោកសារជាថ្មី។ Lawrence ដែលបច្ចុប្បន្ននៅជាមួយ Rangers នៅសល់កិច្ចសន្យារយៈពេល 6 ខែទៀត មុននឹងអាចឲ្យគាត់ចរចាជាមួយក្លឹបបរទេសសម្រាប់ការផ្ទេរនៅរដូវក្តៅបាន។ Besiktas ក្រោមការដឹកនាំរបស់ Solskjaer កំពុងសម្លឹងរកការពង្រឹងក្រុមរបស់ខ្លួន ហើយ Lawrence ត្រូវបានគេមើលឃើញថាជាកីឡាករបន្ថែមដ៏សំខាន់៕
ខ្សែបម្រើឆ្នើមរបស់ក្រុម Bayern Munich គឺ Thomas Muller ត្រូវបានគេរំពឹងថា នឹងចាកចេញពីក្រុម នៅចុងបញ្ចប់រដូវកាល ២០២៤ – ២០២៥ បន្ទាប់ពីការចរចារកុងត្រាថ្មីមិនទទួលបានជោគជ័យ។អត្ថបទកំពុងចាប់អារម្មណ៍៖ លោក Emery និយាយបែបនេះ ទោះបី Rashford ទាត់ចូល២គ្រាប់ក៏ដោយ សូម Subscribe Telegram របស់ Cambosport ដើម្បីទទួលបានព័ត៌មានឆាប់រហ័ស Muller ដែលបានចំណាយពេលពេលមួយអាជីពរបស់ខ្លួនជាមួយនឹងក្រុម Bayern តាំងពីឈុតថ្នាលក្នុងឆ្នាំ២០០០ តែងតែជាផ្នែកដ៏សំខាន់ក្នុងក្លឹបយក្សមួយនេះគ្រប់រដូវកាលទាំងអស់។ ទោះបីជាយ៉ាងណាមិញតំណែងរបស់ខ្លួនហាក់បីបានបាត់បង់នៅឆ្នាំ២០២៥នេះ ដោយគាត់បានបង្ហាញខ្លួនត្រឹមតែ២៧ប្រកួតប៉ុណ្ណោះ។ ការសម្រេចចិត្តរបស់ក្លឹបដែលមិនបន្តកុងត្រាថ្មី គឺជាការព្រមព្រៀងពីសំណាក់ភាគគីខាងក្រុមប្រឹក្សាភិបាលរបស់ក្លឹប និងបញ្ហាប្រាក់ឈ្នួលផងដែល ដោយក្លឹបបច្ចុប្បន្នកំពុងមានផែនការក្នុងការកាត់បន្ថយប្រាក់ឈ្នួលរបស់កីឡាករ។ ទោះបីជាមិនបន្តកុងត្រាថ្មីក៏ដោយ ប៉ុន្តែក្រុម Bayern នឹងផ្តល់ជាការគោរពដល់ Muller ក្នុងការចូលរួមចំណែកក្នុងផ្នែកណាមួយរបស់ក្រុមនាពេលអនាគត ដោយការចរចារនឹងធ្វើឡើងក្នុងពេលឆាប់ៗ ខាងមុខនេះ។ Muller បានបង្ហើបអំពីមហិច្ឆតាក្នុងការបន្តអាជីពរបស់ខ្លួនបន្តទៀត ខណៈរូបគេរំពឹងថា នឹងមានសំណើរមកពីក្លឹបនៅសហរដ្ឋអាមេរិក ដោយគាត់បានចេញសេចក្តីប្រកាសថា លោកនឹងមិនលេងឲ្យក្រុមផ្សេងក្នុងក្របខណ្ឌ Bundesliga ជាដាច់ខាត៕
