ទីបំផុតសហម្ចាស់ក្លឹបបិសាចក្រហមគឺលោកមហាសេដ្ឋី Sir Jim Ratcliffe បានបង្ហាញចេតនាមិនចង់លក់ Marcus Rashford ទៅកាន់ក្រុមគូប្រជែងនៅក្របខណ្ឌ EPL របស់ពួកគេនោះទេ ស្របពេលខ្សែបម្រើ កីឡាករខ្សែបម្រើ-ប្រយុទ្ធស្លាប វ័យ ២៧ឆ្នាំបានសារភាពថារូបគេមានបំណងចង់ស្វែងរកការប្រកួតប្រជែងថ្មីមួយប៉ុន្តែមិនបានបញ្ជាក់ថានៅក្នុងស្រុករឺនៅក្រៅស្រុកទេ បន្ទាប់ពីមិនបានជាប់ជម្រើសដំបូងក្រោមការដឹកនាំរបស់លោក Ruben Amorim។ដូច្នេះក្លឹបនៅលីកកំពូលអង់គ្លេស គឺ Chelsea, Tottenham និង West Ham អាចនិងខកចិត្តប្រសិនជាដូចអ្វីដែលជាការលើកឡើងរបស់មហាសេដ្ឋីឧស្សាហកម្ម ENEOS បានលើកឡើងមែននោះ។
ស្របពេលទីផ្សារដោះដូរកីឡាករនៅមានរយៈពេលមិនដល់២សប្តាហ៍ទៀតនោះទេ ក្រុមMan.United ដឹងថាពួកគេនឹងត្រូវរ៉ាប់រងប្រាក់ឈ្នួលរហូតដល់ទៅ ៣៥0,000 ម៉ឺនផោនក្នុងមួយសប្តាហ៍របស់ Rashford ខណៈបច្បុប្បន្នគោលការរបស់សហម្ចាស់ក្លឹបដែលបានទិញភាគហ៊ុន២៥ភាគរយកាលពីដើមរដូវកាលនោះគឺមានគោលការណ៍កាត់បន្ថយលើការចំណាយភាគច្រើនបំផុត។ ប៉ុន្មានថ្ងៃចុងក្រោយនេះមានលេចលឺពត៌មានថាAC Milan និង Barcelona ជាក្លឹបដែលមានបំណងចង់បានអតីតយុវជនថ្នាលដែលរីកធំធាត់ឡើងរបស់ក្លឹប យកទៅរួមក្រុមរបស់ពួកគេ ប៉ុន្តែបច្ចុប្បន្នភាពយ៉ាងណានោះយើងនឹងរង់ចាំតាមដានបន្តទៀត។
ប្រភព:Dailypost
