ក្រុមមេឃខៀវ Man. City បានយល់ព្រមលើកិច្ចព្រមព្រៀងតម្លៃ ៤០ លានអឺរ៉ូ ស្មើនិង(៣៣.៦ លានផោន) ជាមួយក្លឹបនៅលីកកំពូលបារាំងគឺ Lens សម្រាប់ខ្សែការពារកណ្តាល Abdukodir Khusanov ។មួយវិញទៀតកិច្ចព្រមព្រៀងនេះអាចនិងបូករួមប្រាក់ឈ្នួលប្រាក់បន្ថែមបន្ថែមទៀតបន្ទាប់ពីកីឡាកររូបនេះឆ្លងកាត់ការពិនិត្យសុខភាពមុនពេលការផ្ទេរត្រូវបានបញ្ជាក់ជាផ្លូវការ។អ្នកចាត់ការទូទៅរបស់ Man City លោក Pep Guardiola បានប្ដេជ្ញាចិត្តពង្រឹងក្រុមរបស់គាត់បន្ថែមឡើងវិញ បន្ទាប់ពីជួបព្រឹត្តការណ៏ដ៏លំបាករយៈពេលវែងពោលគឺជាច្រើនខែ ក្រោយពីក្រុមការពារតំណែងជើងឯក Premier League ធ្លាក់ទៅលេខ ៦ ក្នុងតារាង និងមាន១២ ពិន្ទុតាមពីក្រោយក្រុមកំពូលតារាង Liverpool។សម្រាប់ Khusanov នឹងក្លាយជាកីឡាករ Uzbekistan ដំបូងគេដែលបានចូលរួមជាមួយក្លឹប Premier League នៅពេលដែលការផ្លាស់ប្តូររបស់គាត់ត្រូវបានបញ្ចប់។
សូម Subscribe Telegram របស់ Cambosport ដើម្បីទទួលបានព័ត៌មានឆាប់រហ័ស
វីដេអូ:Khusanov
Man City ក៏បានបង្ហាញការចាប់អារម្មណ៍លើខ្សែប្រយុទ្ធអេហ្ស៊ីប ក្រោយពីកីឡាករវ័យ ២៥ ឆ្នាំបានបង្ហាញទម្រង់លេងល្អបំផុតសម្រាប់ Eintracht Frankfurt នៅលីកកំពូលអាឡឺម៉ង់នៅរដូវកាលនេះ។Omar Marmoush ក៏ត្រូវបានចាត់ទុកថាជាបេក្ខភាពដែលអាចមកជំនួសតំណែង Julian Alvarez ក្រោយកីឡាករអន្តរជាតិអាហ្សង់ទីនបាន ចាកចេញទៅក្លឹប At.Madrid កាលពីដើមរដូវកាលនេះ។
វីដេអូ:
មួយវិញទៀតMan.City ក៏កំពុងចរចាជាមួយក្លឹបប្រេស៊ីល Palmeiras សម្រាប់ខ្សែការពារវ័យជំទង់ Vitor Reis ផងដែរ បើទោះបីជាប្រធានក្លឹបមួយនេះត្រូវបានដកស្រង់សម្តីដោយនិយាយថា តម្លៃខ្លួនកីឡាករវ័យ ១៨ ឆ្នាំគឺមិនទាន់បានបញ្ជាក់ច្បាស់លាស់ជាផ្លូវការណ៍ក៍ដោយ។
វីដេអូ:
ប្រភព:BBC
