ប្រពន្ធរបស់ Kyle Walker គឺ Annie Kilner ត្រូវបានគេរាយការណ៍ថា បានធ្វើការពិចារណាសារជាថ្មីអំពីការទាមទាររបស់នាងដែលមានតម្លៃ២៧លានផោន លើការលែងលះ ក្រោយផ្ទុះពាក្យចរចាមរាមអំពី Kyle Walker ផ្ទេរទៅកាន់ទឹកដី Arabia Saudi ដែលប្រាក់ឈ្នួលដ៏ច្រើនសន្ធឹកសន្ធាប់ ដែលនេះអាចមូលហេតុចំបងមួយដែលធ្វើឲ្យនាង Annie Kilner ធ្វើការគិតគូឡើងវិញអំពីការសម្រេចចិត្តរបស់នាង។ ទោះបីជាមានឧបសគ្គកន្លងមកក្នុងទំនាក់ទំនងរបស់ពួកគេ រួមទាំង Walker បង្កើតកូនជាមួយនារីម្នាក់ទៀតក៏ដោយ ក៏គូស្នេហ៍មួយគូនេះបានបង្ហាញសញ្ញានៃការផ្សះផ្សា។ Annie បានសង្កត់ធ្ងន់លើសារៈសំខាន់នៃការពិចារណាអំពីសុខុមាលភាពរបស់កូនពួកគេក្នុងការសម្រេចចិត្តណាមួយទាក់ទងនឹងអនាគតរបស់ពួកគេ៕