អង់គ្លេស៖ ក្រុមកាំភ្លើងធំ Arsenal បានវាយបកយក ៣ពិន្ទុ ពីម្ចាស់ផ្ទះ Brentford តាមរយ:លទ្ធផល ៣-១ ដើម្បីបន្តប្រដេញតំណែងកំពូលតារាង Premier League ជាមួយនឹងក្រុមហង្សក្រហម Liverpool។ ក្រុមដែលដឹកនាំដោយលោក Mikel Arteta បានលេងបញ្ចប់ជើងទី១ នាយប់មិញក្នុងលីគកំពូលអង់គ្លេសរដូវកាលនេះនៃសប្តាហ៍ទី១៩ ដោយរកបាន ៣៩ពិន្ទុ ចាញ់ប្រៀបក្រុមកំពូលតារាង Liverpool ៦ពិន្ទុ។
ក្នុងការប្រកួតនៅកីឡដ្ឋាន Community នោះដែរ កីឡាករ Bryan Mbeumo ជាអ្នករកបានគ្រាប់នាំមុខឲ្យម្ចាស់ផ្ទះ មុនពេល Gabriel Jesus រកគ្រាប់តាមស្មើវិញ និងជាទី៦ របស់ខ្សែប្រយុទ្ធប្រេស៊ីល ក្នុងចំណោម ៤ប្រកួតចុងក្រោយ។
ជាមួយគ្នានោះមិត្តរួមក្រុម Mikel Merino និង Gabriel Martinelli ក៏រកបានម្នាក់ ១គ្រាប់ផងដែរ ដើម្បីធានាជ័យជម្នះ ៣ពិន្ទុចេញពីភាគខាងលិចទីក្រុង London តែម្តង៕
ប្រភព៖ BBC
អង់គ្លេស៖ នាពេលថ្មីៗនេះ បន្ទាប់ពីក្រុមកាំភ្លើងធំ Arsenal បានផ្តួលក្លឹបមេឃខៀវ Manchester City ៥ទល់នឹង១ យ៉ាងចាស់ដៃមក។ ក្លឹប Arsenal កំពុងតែព្រួយបារម្ភនឹងការបាត់បង់ខ្សែបម្រើកណ្តាលឆ្នើម Jorginho ដែលរូបគេលេងនៅលីគ Premier League អស់រយៈពេល៨ឆ្នាំ ខណៈដែលកុងត្រានឹងត្រូវផុតកំណត់នៅចុងរដូវកាលឆ្នាំ ២០២៥។អត្ថបទកំពុងចាប់អារម្មណ៍៖ ក្រហើយ កូនឈឺទៀត! ខ្សែការពារ Man Utd ម្នាក់ត្រូវអវត្តមានដល់ចប់រដូវកាល ក្រោយរបួស ACL សូម Subscribe Telegram របស់ Cambosport ដើម្បីទទួលបានព័ត៌មានឆាប់រហ័ស យោងតាមសារព័ត៌មាន The Metro នៅប្រទេសអ៊ីតាលីបានអះអាងថា ខ្សែបម្រើ Jorginho បានយល់ព្រមចុះហត្ថលេខាលើកិច្ចសន្យាជាមុនរួចជាស្រេចជាមួយក្លឹប Flamengo ។ ថ្លែងនៅដើមខែកុម្ភ:នេះ Jorginho បាននិយាយពីអនាគតរបស់គាត់ថា “អ្វីៗវាអាចកើតឡើងបានយ៉ាងឆាប់រហ័សក្នុងបាល់ទាត់ ពេលខ្លះត្រឹមពេលតែមួយយប់តែប៉ុណ្ណេាះ”៕ ប្រភព៖ SPORTbible
