(អង់គ្លេស)៖ វីរបុរសនិងជាអតីតគ្រូបង្វឹកក្រុមបិសាចក្រហម Manchester United លោក Ole Gunnar Solskjaer បានថ្លែងប្រាប់អំពីឱកាសនៃការវិលត្រឡប់មកដឹកនាំ Man Utd វិញ ស្របពេលសម្ពាធនិងកម្តៅរបស់លោក Erik ten Hag កាន់តែកើនឡើងខ្លាំង។ បុរសវ័យ ៥១ឆ្នាំ ដែលត្រូវបានបណ្តេញចេញពីក្លឹបក្នុងឆ្នាំ២០២១ គាត់បានបដិសេធសំណើរជាច្រើនរួមទាំងក្លឹបមកពីអារ៉ាប់ផងដែរ។

សូម Subscribe Telegram របស់ Cambosport ដើម្បីទទួលបានព័ត៌មានឆាប់រហ័ស

ថ្មីៗនេះក្លឹប Leicester City ក៏ចាប់អារម្មណ៍ក្នុងការនាំយកលោក Solskjaer ទៅកាន់ King Power ផងដែរ។ ទន្ទឹមនឹងនោះលោក Solskjaer បាននិយាយទៅកាន់មនុស្សជាង ៣ពាន់នាក់ នៅឯ Oslo Business Forum ហើយក៏ត្រូវបានចោទសួរអំពីការវិលត្រឡប់ទៅកាន់ Old Trafford វិញ។ យ៉ាងណាមិញ គាត់បានថ្លែងប្រាប់យ៉ាងដូច្នេះថា៖ «វាមានអារម្មណ៍ថាខុសក្នុងការនិយាយអំពីការងារដែលអ្នកដទៃកំពុងតែមាន។ ប៉ុន្តែបើខ្ញុំមានឱកាសខ្ញុំនឹងយល់ព្រម»​៕

ប្រភព៖ SPORTbible