ខ្សែប្រយុទ្ធ Robert Lewandowski របស់ក្លឹប Barcelona បានលើកសរសើរឈ្មោះមិត្តរួមក្រុម Lamine Yamal ជាខ្សែបម្រើ-ប្រយុទ្ធស្លាបល្អបំផុតក្នុងពិភពលោកនពេលបច្ចុប្បន្ននេះ។Yamal ដែលមានវ័យទើបតែ១៧ឆ្នាំ និងបានបង្ហាញខ្លួនជាលើកដំបូងសម្រាប់ក្លឹបនៅលីកកំពូល LaLiga កាលពីរដូវកាលមុន បានបង្ហាញសមត្ថភាព និងទេពកោសល្យបានល្អបំផុតជាមួយការសាងកេរ្ត៍ឈ្មោះជួយអោយក្រុមគោជល់អេស្បាញលើកពាន Euro ២០២៤។ក្រៅពីចារឈ្មោះក្នុងប្រវត្តិសាស្រ្តរបស់ក្រុមជម្រើសជាតិ Lamine ក៏បានជាប់ឈ្មោះក្នុងនាម បេក្ខភាពប្រជែងពានបាល់មាស Ballon d’Or បន្ទាប់ពិរូបគេបានស៊ុតបាល់បញ្ចូលទីចំនួន ៤ គ្រាប់ និងបញ្ជូនបាល់ឱ្យមិត្តរួមក្រុមបញ្ចប់ទីចំនួន ៥ ដងនៅរដូវកាលនេះសម្រាប់ក្រុមអ្នកមានបុណ្យ។

កាពីតែនក្រុមជម្រើសជាតិបូឡូញ Lewandowski បានប្រាប់ BR Football ថា: ខ្ញុំមើលឃើញថា Lamine ជាខ្សែបម្រើស្លាបល្អបំផុតក្នុងពិភពលោក។ ប៉ុន្តែវាមិនមែនសំដៅទៅទម្រង់លេងដែលគាត់ទើបតែបានចាប់ផ្តើមនោះទេ ប៉ុន្តែអ្វីៗនិងត្រូវរក្សាទុកក្នុងប្រវត្តិសាស្រ្តពេលគាត់និងបញ្ចប់អាជីព ។មានន័យថាបច្ចុប្បន្នគាត់មានអាយុ ១៧ ឆ្នាំ ដូច្នេះអនាគតគាត់ត្រូវគិតពី ១០ ទៅ ១៥ ឆ្នាំខាងមុខ មិនមែនត្រឹមតែ ២-៣ឆ្នាំ ដ៏ខ្លីនេះទេ។ គឺគាត់ត្រូវកសាងអាជីពដ៍យូរអង្វែងមួយ។

ប្រភព:Dailypost
វីដេអូ: