CRISTIANO RONALDO ធ្លាប់បានពណ៌នា Fabio Paim ថា ជាកីឡាករល្អជាងគាត់ទៅទៀត ខណៈពេលនេះកីឡាករសញ្ជាតិព័រទុយហ្គាល់កំពុងសម្លឹងមើលអាជីពក្នុងវិស័យអាសអាភាសវិញម្តង។

Paim វ័យ 36 ឆ្នាំគឺជាមិត្តរួមក្រុមរបស់ Ronaldo នៅថ្នាល Sporting Lisbon កាលពី 2 ទសវត្សរ៍មុន និងបានបង្ហាញខ្លួនច្រើនជាង 40 ដងសម្រាប់ក្រុមអាយុរបស់ព័រទុយហ្គាល់។

គាត់គឺជាកីឡាករដ៏មានទេពកោសល្យដ៏ជោគជ័យម្នាក់ ដែលគាត់ទទួលបានប្រាក់ខែ 4,400 ផោនក្នុងមួយសប្តាហ៍នៅពេលដែលគាត់មានអាយុ 13 ឆ្នាំ បូករួមទាំងប្រាក់រង្វាន់ប្រចាំឆ្នាំចំនួន 130,000 ផោន។ Paim ថែមទាំងត្រូវបានខ្ចីជើងរយៈពេល 4 ខែនៅ Chelsea ក្នុងឆ្នាំ 2008 ប៉ុន្តែបានលេងត្រឹមតែក្នុងនាមកីឡាករបម្រុងរបស់ពួកគេក្នុងអំឡុងពេលដ៏ខ្លីរបស់គាត់នៅ Stamford Bridge ។ ទីបំផុត លុយ កិត្តិនាម និងរបៀបរស់នៅជប់លៀងបានធ្វើឱ្យគាត់បរាជ័យក្នុងការរស់នៅតាមសក្តានុពលដ៏អស្ចារ្យរបស់គាត់។ ក្នុងឆ្នាំ 2003 Ronaldo បាននិយាយថា “ប្រសិនបើ អ្នកគិតថាខ្ញុំល្អ សូមរង់ចាំរហូតដល់អ្នកឃើញ Fabio Paim” ។

ប៉ុន្តែ ១៦ ឆ្នាំ​ក្រោយ​មក បន្ទាប់​ពី​អាជីព​មិនទទួលបានជោគជ័យ គាត់​ត្រូវ​បាន​គេ​ដាក់​គុក​មួយ​ឆ្នាំ​ ពី​បទ​ជួញ​ដូរ​គ្រឿង​ញៀន។ Paim បានមើលការហ្វឹកហាត់របស់ Ronaldo ពីបង្អួចនៅក្នុងបន្ទប់ឃុំឃាំងរបស់គាត់ ដែលជារូបភាពដ៏គួរឲ្យស្រណោះ នៃសំណាងផ្សេងគ្នារបស់ពួកគេ។ ពេល​នេះ​ត្រូវ​បាន​គេ​ដោះ​លែង​ហើយ គាត់​បាន​អះអាង​ថា​គាត់​កំពុង​ស្វែង​រក​អាជីព​ក្នុង​វិស័យ​អាសអាភាស​ជា​បុរស​នៅ​លីវ។

Paim ត្រូវ​បាន​សម្ភាសន៍​នៅ​លើ​ប៉ុស្តិ៍ YouTube របស់ Tiago Paiva ដែល​នារីៗស្លៀក​ឈុត​ប៊ីគីនី​ហ៊ុំ​ព័ទ្ធ​ជុំវិញ អតីត​កីឡាករ​បាល់​ទាត់រូបនេះដោយ​គ្មាន​អាវ។ ម្នាក់ក្នុងចំនោមពួកគេរួមមានតារាសិច Diana Melancia ដែលពាក់ម៉ាសបិទភ្នែក។ ជាផ្នែកមួយនៃវីដេអូ Paim បានទទួលការម៉ាស្សាពីស្ត្រីនៅពេលគាត់ត្រាំនៅក្រោមពន្លឺថ្ងៃ។ ហើយគាត់មិនខ្មាស់អៀនក្នុងការសារភាពថាគាត់ចង់បន្តអាជីពនៅក្នុងឧស្សាហកម្មកម្សាន្តអាសអាភាស។ Paim បាន​និយាយ​ថា៖ «ខ្ញុំ​ចង់​សម្ដែង​ក្នុង​រឿង​សិ_ច។ ខ្ញុំ​ពិត​ជា​ប្រាកដ​ណាស់ វា​នឹង​ធ្វើ​ឱ្យ​សុបិន​របស់​ខ្ញុំ​ក្លាយ​ជា​ការ​ពិត។ ខ្ញុំ​មិន​មាន​មិត្ត​ស្រី​ទេ ខ្ញុំ​នៅ​លីវ៕