អនាគតម្ចាស់ភាគហ៊ុនក្លឹប Everton ថ្មី The Friedkin Group ត្រូវបានគេរាយការណ៍ថា បានដាក់បញ្ចូលលោក Gareth Southgate ដែលជាអតីតគ្រូបង្វឹកក្រុមជម្រើសជាតិអង់គ្លេសជាបេក្ខភាពចូលដឹកនាំក្រុម បន្ទាប់ពីការដេញថ្លៃទិញក្លឹបដែលមូលដ្ឋាននៅទីក្រុង Liverpool ត្រូវបានបញ្ចប់។

លោក Southgate នៅតែមិនទាន់មានការងារ បន្ទាប់ការចាកចេញពីក្រុមជម្រើសជាតិអង់គ្លេស ក្រោយចាញ់ អេស្ប៉ាញ នៅវគ្គផ្តាច់ព្រ័ត្រពានរង្វាន់ Euro 2024 នៅ Berlin កាលពីរដូវក្តៅ ហើយចាប់តាំងពីពេលនោះមកគេឃើញថា បុរសសញ្ជាតិអង់គ្លេសរូបនេះបានធ្វើជាផ្នែកបច្ចេកទេសជាមួយនឹង EUFA សម្រាប់រដូវកាលបច្ចុប្បន្ន។