យោងទៅតាមរបាយកាណ៍ពី TEAMtalk បានបញ្ជាក់ថា ក្លឹប Manchester City បច្ចុប្បន្នកំពុងធ្វើការចរចារជាមួយនឹងក្លឹប Bayern Munich និងរៀបចំសំណើររួចជាសម្រេចក្នុងការដេញថ្លៃខ្សែបម្រើឆ្នើម Jamal Musiala ។ Manchester City ត្រូវបានគេមើលឃើញជាក្រុមដែលឈានមុខគេក្នុងការចុះកុងត្រាលើ Jamal ខណៈកុងត្រាបច្ចុប្បន្នរបស់ខ្សែបម្រើវ័យក្មេងរូបនេះនឹងផុតសុពលភាពនៅឆ្នាំ២០២៦ ។

សូម Subscribe Telegram របស់ Cambosport ដើម្បីទទួលបានព័ត៌មានឆាប់រហ័ស

ទោះបីជាយ៉ាងណាមិញ យោងតាមប្រភពដដែលបានបញ្ជាក់ថា Man City បានត្រៀមទឹកប្រាក់ប្រមាណ ១០០លានអឺរ៉ូ ស្មើនឹង ៨៣លានផោន ដើម្បីនាំយកខ្សែបម្រើរូបនេះទៅកាន់ Etihad នៅខែមករា ដោយបំពេញកន្លែងរបស់ Rodri ដែលរបួសសសៃពួរជង្គង់ និងត្រូវសម្រាកព្យាបាលរហូតដល់ចប់រដូវកាល៕