Barcelona បានផ្តួលក្រុមម្ចាស់ផ្ទះ Villarreal ដើម្បីរក្សាកំណត់ត្រាឈ្នះនៅក្របខណ្ឌ La Liga ដោយលទ្ធផល៥ទល់និង១ សម្រាប់ការប្រកួតក្របខណ្ឌ La Liga សប្តាហ៍ទី៦កាលពីថ្ងៃ២៣ មេសា ២០២៤នេះ។ ទោះយ៉ាងណាក្រុមលោក Hansi Flick បានបាត់បង់អ្នកចាំទី Marc-Andre ter Stegen ត្រូវជួបបញ្ហារបួសជង្គង់ធ្ងន់ធ្ងរនិងត្រូវបានសែងចេញពីទីលាននៅជិតចុងបញ្ចប់នៃតង់ទី ១។ វាជាលទ្ធផលដែលគួរអោយព្រួយបារម្ភសម្រាប់ក្រុម Barcelona និងជម្រើសជាតិអាឡឺម៉ង់ ស្របពេលប្រធានក្រុម Barcelona វ័យ ៣២ ឆ្នាំរូបនេះរងរបួសជង្គង់ខាងស្តាំ។

Ter Stegen ត្រូវបានប្តូរជំនួសដោយកីឡាករ Inaki Pena  ក្រោយពីអ្នកចាំទីរូបនេះបានដើរតួនាទីយ៉ាងសំខាន់ ដោយបានធ្វើការសង្គ្រោះការស៊ុតដ៏ល្អរបស់អតីតកីឡាករ Arsenal គឺNicolas Pepe កំលុងលទ្ធផល ០ ទល់និង០ និងពេល Barcelona នាំមុខ ២ទល់និង១ ។គ្រូបង្វឹកក្រុម Barcelona លោក Flick បានប្រាប់ DAZN បន្ទាប់ពីការប្រកួតថាៈខ្ញុំគិតថារបួសរបស់គាត់វារធ្ងន់ធ្ងរ។ យើងរង់ចាំការផ្តល់លទ្ធផលពីសំណាក់ក្រុមគ្រូពេទ្យក្នុងពេលដ៏ឆាប់ខាងមុខនេះ។

ប្រភព:Besoccer
វីដេអូ: