ដោយស្វែងរកការឈ្នះជាលើកទីប្រាំពីរជាប់ៗគ្នាលើគូប្រជែងក្នុងទីក្រុងរបស់ពួកគេ ម្ចាស់ជើងឯក Serie A Inter Milan និងត្រូវជួបជាមួយក្រុមរួមទីក្រុង AC Milan នៅកីឡដ្ឋាន San Siro នៅវេលាម៉ោង ១និង ៤៥នាទីឈានចូលថ្ងៃចន្ទទី ២៣ កញ្ញា ២០២៤ស្អែកនេះ។ ការជួបប្រកួតគ្នាលើកដំបូងក្នុងរដូវកាលនេះបានកើតមានឡើងខណៈ AC.Milan កំពុងតែមិនទាន់ច្បាស់ពីអនាគតរបស់គ្រូបង្វឹក Paulo Foncesa ដឹកនាំក្រុមចាញ់ការប្រកួតបើកឆាក Champions League នៅដើមសប្តាហ៍នេះ។ ទន្ទឹមនឹងនេះ Inter Milan ក៏បានចាប់ផ្តើមរដូវកាលថ្មីដោយទទួលបានលទ្ធផល ត្រឹមស្មើគ្នា០ទល់និង០ជាមួយក្រុមគូសត្រូវចាស់ គឺ Man. City នៅក្របខណ្ឌ UCLផងដែរ។៤ប្រកួតចុងក្រោយនៅ SerieA ក្រុម Inter Milan ឈ្នះ២ស្មើ២ ខណៈ AC.Milan ឈ្នះ១ចាញ់១និងស្មើ២។
១.ប្រវត្តិជួបគ្នា
ជួបគ្នា៦ដងចុងក្រោយនៅគ្រប់ក្របខណ្ឌប្រកួត AC.Milan មិនដែលឈ្នះ Inter MIlan ទេ។ ខណៈការប្រកួតចុងក្រោយបង្អស់នៅខែមេសា Inter Milan ផ្តួល AC.Milan ដល់ផ្ទះក្នុងលទ្ធផល ២ទល់និង១។
បន្ទាប់ពីអវត្តមានក្នុងពាក់កណ្តាលសប្តាហ៍ដោយសារបញ្ហារបួសសាច់ដុំ Federico Dimarco គួរតែត្រលប់មកវិញសម្រាប់ការប្រកួតដ៏ធំនៅថ្ងៃអាទិត្យ ហើយអាចជំនួស Carlos Augusto នៅលើផ្នែកខ្សែការពារស្លាបខាងឆ្វេងរបស់ Inter Milan ។ប្រធានក្រុម Lautaro Martinez ក៏គ្រោងនឹងត្រលប់មកបង្ហាញខ្លួនជម្រើស១១នាក់ដំបូង ក្រោយលេងជាកីឡាករបម្រុងទល់នឹង Manchester City ខណៈខ្សែប្រយុទ្ធអន្តរជាតិអាហ្សង់ទីនរូបនេះគិតជាមធ្យមភាគគឺធ្លាប់រកបានមួយគ្រាប់រាល់ការប្រកួត ១៦ដងចុងក្រោយ ទល់នឹងAC. Milan ។
ខ្សែប្រយុទ្ធ Marcus Thuram សញ្ជាតិបារាំង ស៊ុតបញ្ចូលទីបានចំនួន ៦ គ្រាប់ក្នុងការប្រកួតលីកចំនួន ៤នៅរដូវកាលនេះ បានតាមទាន់កំណត់ត្រាវីរបុរស Ronaldoប្រេស៊ីល (១៩៩៧-១៩៩៨) និង Romelu Lukaku (២០១៩-២០២០) ដោយស៊ុតបញ្ចូលទីក្នុងការប្រកួតបីលើកដំបូង។
២.ពត៌មានក្រុម Inter Milan(ម្ចាស់ផ្ទះ)
-ជម្រើស១១នាក់ដំបូងអាចនិងចូលលេង Sommer; Pavard, Acerbi, Bastoni; Dumfries, Barella, Calhanoglu, Mkhitaryan, Dimarco; Thuram, Martinez
-ទម្រង់លេងអាចនិងយកមកប្រើប្រាស់៣-៥-២
៣.ពត៌មានក្រុមAC.Milan(ភ្ញៀវ)
Alvaro Morataនិងចាប់ដៃគូជាមួយ Tammy Abraham ដោយមានការគាំទ្រពី Christian Pulisic និង Rafael Leao ។ ការព្រួយបារម្ភចម្បងរបស់គ្រូបង្វឹក Paulo Fonseca ទាក់ទងនឹងអ្នកចាំទី Mike Maignan ត្រូវបង្ខំចិត្តប្តូរចេញកាលពីថ្ងៃអង្គារ ប៉ុន្តែអ្នកចាំទីដៃទីពីរ Marco Sportiello នៅតែមិនមិនទាន់អាចចូលលេងបាន ខណៈកីឡាករដៃទី៣Lorenzo Torriani មិនប្រាកដថាចូលលេងបាន។
Ismael Bennacer (កជើង), Alessandro Florenzi (ACL) និង Malick Thiaw (កជើង) ទាំងអស់ត្រូវបានដកចេញដោយសាររបួស។
-ជម្រើស១១នាក់ដំបូងអាចនិងចូលលេងMaignan; Emerson, Tomori, Pavlovic, Hernandez; Fofana, Loftus-Cheek; Pulisic, Reijnders, Leao; Morata
-ទម្រង់លេងអាចនិងយកមកប្រើប្រាស់៤-២-៣-១
៤.លទ្ធផលទស្សន៍ទាយសម្រាប់ការប្រកួតគូនេះគឺ Inter MIlan ២:១ AC.Milan
ប្រភព:whoscored &sportsmole
វីដេអូជួបគ្នាចុងក្រោយបង្អស់នៅខែមសា ២០២៤:
អង់គ្លេស៖ ខ្សែប្រយុទ្ធឆ្នើម Marcus Rashford ដែលកំពុងលេងខ្ចីជើងនៅក្រុម Aston Villa បង្ហាញអារម្មណ៍សៅហ្មង ថាខ្លួននឹងមិនមានជំនឿចិត្តថាអាចវិលត្រលប់មកលេងឲ្យក្លឹបបិសាចក្រហម Manchester United ក្រោមការដឹកនាំរបស់លោក Ruben Amorim ដែលជាគ្រូបង្គោលនោះទេ។ បើទោះជាយ៉ាងណា ខ្សែប្រយុទ្ធស្លាបវ័យ ២៧ឆ្នាំ មិនទាន់សម្រេចចិត្តអំពីអនាគតរបស់ខ្លួន ថាបន្ត ឬក៏ ចាកចេញនោះទេ នៅពេលចប់ការខ្ចីជើងនៅចុងរដូវកាលនេះ។អត្ថបទកំពុងចាប់អារម្មណ៍៖ Barca ទទួលបានសំណើរ១០០លានអឺរ៉ូពីអារ៉ាប់ដែលចង់ខ្សែប្រយុទ្ធដ៏ឆ្នើមម្នាក់របស់ខ្លួន សូម Subscribe Telegram របស់ Cambosport ដើម្បីទទួលបានព័ត៌មានឆាប់រហ័ស គួរជម្រាបដែរថា Rashford មានកិច្ចសន្យាកុងត្រាជាមួយបិសាចក្រហមរហូតដល់ឆ្នាំ ២០២៨ ឯណោះ៕ ប្រភព៖ BBC
