ការប្រកួតក្របខណ្ឌ UCL នៅវេលាម៉ោង ២រំលងអធ្រាតឈានចូលថ្ងៃសុក្រនេះក្រុម Monaco និងធ្វើជាម្ចាស់ផ្ទះទទួលក្រុម Barcelona ស្របពេលក្រុមទាំងពីរមិនទាន់ស្គាល់ចាញ់សម្រាប់ការប្រកួតក្នុងលីកមុនពេលជួបគ្នានៅកីឡដ្ឋាន Stade Louis II ខណៈរដូវកាលចាស់ពួកគេបានត្រឹមជាក្រុមជើងឯករងក្នុងលីគពួកគេរៀងៗខ្លួន។
សម្រាប់៦ប្រកួតចុងក្រោយរបស់Monaco ឈ្នះ៤ស្មើ១និងចាញ់១ ខណៈ Barcelona ឈ្នះ៥ចាញ់១(ប៉ុន្តែការចាប់ផ្តើម La Liga មិនទាន់ស្គាល់ចាញ់ទេ)គឺក្រុមចាញ់ Monaco នេះឯងក្នុងការប្រកួតមិត្តភាព កំលុងខែសីហា សម្រាប់ការប្រកួតកំដៅសាចដុំដោយលទ្ធផល Barcelona ០:៣។
១.ប្រវត្តិជួបគ្នា
ការប្រកួតផ្លូវការពួកគេBarcelona ធ្លាប់ផ្តួល Monaco ២ដង និងមិនដែលស្មើរឺចាញ់ ខណៈការប្រកួតចុងក្រោយនៅខែមេសាឆ្នាំ១៩៩៤ Barcelonaផ្តួល Monaco ដល់ទឹកដី ។
២.ពត៌មានក្រុម(ម្ចាស់ផ្ទះ)Monaco
ក្រុមម្ចាស់ផ្ទះបន្តអវត្តមានកីឡាករ Edan Diop និងអ្នកចាំទីបម្រុង Radoslaw Majecki រហូតដល់ខែក្រោយ។គ្រូបង្វឹកលោក Hutter បានធ្វើការផ្លាស់ប្តូរកីឡាករដល់ទី៨រូបពេលជួប Lens មុនពេលសម្រាកអន្តរជាតិ ប៉ុន្តែបានដាក់ជម្រើស១១នាក់ដំបូងឡើងវិញពេលផ្តួលក្រុម Lyon និង Auxerre ដូច្នេះសម្រាប់ការប្រកួតនេះក្រុមក៏អាចនិងបន្តផ្លាស់ប្តូរសមាសភាពកីឡាករមួយចំនួន។
-ជម្រើស១១នាក់ដំបូងអាចនិងចូលលេងKohn; Vanderson, Kehrer, Mawissa Elebi, Caio Henrique; Camara, Zakaria; Akliouche, Minamino, Ben Seghir; Embolo
-ទម្រង់លេងអាចនិងយកមកប្រើប្រាស់ ៤-២-៣-១
៣.ពត៌មានក្រុម(ភ្ញៀវ)Barcelona
Barcelona មានការខកចិត្តសម្រាប់ Dani Olmo នឹងអវត្តមានរហូតដល់ខែតុលាជាមួយនឹងរបួសសរសៃពួរពេលប្រកួតជាមួយ Girona កាលពីថ្ងៃអាទិត្យដែលករណ៏នេះអាចធ្វើឱ្យគ្រូបង្វឹកលោក Flick អាចដាក់Raphinha លេងគាំទ្រ Lewandowski និង Yamal។Olmo មានបញ្ហារបួសជាមួយ Fermin Lopez, Gavi, Frenkie de Jong និង Andreas Christensen ។ Ronald Araujo បច្ចុប្បន្នកំពុងសម្រាកព្យាបាលរបួសសរសៃពួរ ប៉ុន្តែគាត់នឹងត្រូវនៅជាប់ពិន័យព្យួរបន្ទាប់ពីកាតក្រហមពេលលេងទល់PSG ក្នុងវគ្គ ១/៤ ផ្តាច់ព្រ័ត្រកាលពីរដូវកាលមុន។
Robert Lewandowski បានស៊ុតបាល់បញ្ចូលទី ៨ គ្រាប់ក្នុងក្របខ័ណ្ឌ Champions League ចាប់តាំងពីចូលរួមជាមួយ Barcelona ជាមួយគ្រាប់បាល់សរុប ៩៤គ្រាប់ ខណៈរដូវកាលនេះឱកាសនៃការក្លាយជាកីឡាករទី ៣ ដែលរកបានគ្រាប់បាល់បានច្រើនជាងគេគឺនៅតែមាន។
-ជម្រើស១១នាក់ដំបូងអាចនិងចូលលេងTer Stegen; Kounde, Pau Cubarsi, Inigo Martinez, Balde; Eric Garcia, Pedri, Casado; Lamine Yamal, Lewandowski, Raphinha
-ទម្រង់លេងអាចនិងយកមកប្រើប្រាស់ ៤-២-៣-១
៤.លទ្ធផលទស្សន៍ទាយសម្រាប់ការប្រកួតគូនេះគឺ Monaco ១:២ Barcelona
ប្រភព:whoscored &90min&sportsmole
វីដេអូជំនួបមិត្តភាព
អតីតខ្សែបម្រើក្រុមកាំភ្លើងធំ Arsenal លោក Emmanuel Petit បានលើកឈ្មោះកីឡាករខ្ចីជើងពីក្រុមតោខៀវ Chelsea គឺកីឡាករខ្សែបម្រើប្រយុទ្ធស្លាបRaheem Sterling ថាជាបញ្ហាដែលក្លឹបកំពុងប្រឈមធំបំផុតក្នុងរដូវកាលនេះ។ ការលើកឡើងរបស់អតីតកីឡាករអន្តរជាតិបារាំងបានលើកឡើងបែបនេះពោលគឺក្រោយពីSterling បច្ចុប្បន្នលេងខ្ចីជើងនៅ Arsenal មិនទាន់មានឱកាសបង្ហាញខ្លួនសម្រាប់ជម្រើស១១នាក់ដំបូងអោយក្រុមលោក Mikel Arteta នៅឡើយនោះទេ។អត្ថបទកំពុងចាប់អារម្មណ៍៖ លោក Amorim បានធ្វើការចរចារជាមួយនឹងកីឡាករម្នាក់ ដែលទំនងជាសមាជិកថ្មីមុនគេក្រោមការដឹកនាំរបស់លោក សូម Subscribe Telegram របស់ Cambosport ដើម្បីទទួលបានព័ត៌មានឆាប់រហ័ស Petit វីរបុរសដែលធ្លាប់ជួយអោយក្រុមមាន់គកបារាំងលើកពាន World Cup ឆ្នាំ១៩៩៨ និងធ្លាប់ប្រកបអាជីពជាមួយ Chelsea និង Arsenal នៅក្របខណ្ឌ Premier League បានលើកឡើងយ៉ាងដូច្នេះថាៈ ទម្រង់លេងរបស់កីឡាករអន្តរជាតិអង់គ្លេសបានធ្លាក់ចុះយ៉ាងខ្លាំងចាប់តាំងពីគាត់បានចាកចេញពី Man .Cityមកម្លេះ។នោះហើយគឺជាមូលហេតុដែលគេអោយគាត់ចាកចេញ។ ការយល់ឃើញរបស់ខ្ញុំនោះគឺគាត់មានលុយច្រើនក្នុងអាជីពទៅហើយ ដូច្នេះគាត់លែងចង់លេងបាល់ទាត់ទៀតហើយ។ គាត់ភ្ញាក់ពីដំណេករាល់ព្រឹកដោយគ្មានគោលដៅដើម្បីធ្វើនោះទេ។ ក្រុមកាំភ្លើងធំ Arsenal រដូវកាលនេះហាក់កាន់តែឃ្លាតឆ្ងាយពីការប្រជែងពានខុសពីពីររដូវកាលចុងក្រោយ ស្របពេលបច្ចុប្បន្នពួកគេឈរនៅលេខរៀង ទី៤ និង មានគម្លាត៩ពិន្ទុពីក្រុមនាំមុខតារាង Liverpool ខណៈមានការព្យាករណ៍ផងដែរថាប្រសិនជាArsenal […]
