ក្រុមអ្នកមានបុណ្យ Barcelona នឹងសម្លឹងរកការរក្សាការចាប់ផ្តើមដ៏ល្អឥតខ្ចោះរបស់ពួកគេក្នុងរដូវកាលនេះបន្តទៀតនៅពេលដែលពួកគេធ្វើដំណើរទៅកាន់កីឡដ្ឋានEstadi Montilivi សម្រាប់ការប្រកួត ជាមួយក្រុម Girona នៅវេលាម៉ោង ៩និង១៥យប់ថ្ងៃអាទិត្យនេះ។ក្លឹបអ្នកមានបុណ្យ Barcelona បច្ចុប្បន្នកំពុងនាំមុខគេនៅតារាង La Liga ក្រោយប្រកួតបាន ៤ដងឈ្នះទាំងបួនលើកមាន ១២ពិន្ទុ ខណៈក្រុម Giroa ឈរនៅលេខរៀងទី៥ បន្ទាប់ពីប្រកួតបាន ៤ដងមាន ៧ ពិន្ទុ។
សូម Subscribe Telegram របស់ Cambosport ដើម្បីទទួលបានព័ត៌មានឆាប់រហ័ស
១.ប្រវត្តិជួបគ្នា
ជួបគ្នា ៥ដងចុងក្រោយBarcelona ឈ្នះ២ ចាញ់២និងស្មើ១ ខណៈជួបគ្នាចុងក្រោយនៅខែឧសភា ២០២៤ ក្រុមម្ចាស់ផ្ទះលត់ភ្ញៀវ Barcelona ក្នុងលទ្ធផល ៤ទល់និង២។
២.ពត៌មានក្រុមGirona(ម្ចាស់ផ្ទះ)
Girona នឹងត្រូវជួបជាមួយ Barcelona នៅ Montilivi ដោយគ្មាន Oriol Romeu ដោយសារលក្ខខណ្ឌកិច្ចសន្យា រួមជាមួយនឹងកីឡាករដែលរងរបួស Jastin និង Artero ។
Yangel Herrera អាចនឹងត្រលប់មកវិញបន្ទាប់ពីការហ្វឹកហាត់ជាមួយក្រុមបន្ទាប់ពីរបួស បើទោះបីជាអវត្តមានក្នុងកាតព្វកិច្ចលើឆាកអន្តរជាតិក៏ដោយ។
-ជម្រើស១១នាក់ដំបូងអាចនិងចូលលេងGazzaniga; Frances, Lopez, Blind, Gutierrez; Tsygankov, Herrera, Martin, Gil; Ruiz, Danjuma
-ទម្រង់លេងអាចនិងយកមកប្រើប្រាស់ ៤-៤-២
៣.ពត៌មានក្រុមBarcelona(ភ្ញៀវ)
Barcelona នឹងគ្មានកីឡាកររបួស Araujo, Gavi, Christensen, Fermín, Frenkie de Jong និង Bernal។
ដំណឹងល្អកីឡាករ Ansu Fati បានជាសះស្បើយ និងហ្វឹកហាត់ជាមួយក្រុម ខណៈDani Olmo ត្រៀមចូលលេង បើទោះបីជាខកខានការប្រកួតរបស់អេស្ប៉ាញដោយសារតែរបួសដែលត្រូវបានចាត់ទុកថាស្រាលក៏ដោយ។
-ជម្រើស១១នាក់ដំបូងអាចនិងចូលលេងTer Stegen; Kounde, Cubarsi, Martinez, Balde; Casado, Pedri; Yamal, Olmo, Raphinha; Lewandowski
-ទម្រង់លេងអាចនិងយកមកប្រើប្រាស់ ៤-២-៣-១
៤.លទ្ធផលទស្សន៍ទាយសម្រាប់ការប្រកួតគូនេះគឺ Girona ០:២ Barcelona
ប្រភព:whoscored &sportskeeda&sportsmole
